Sipas Football Leaks, Guardiola sa ishte trajner i Bayernit kishte nënshkruar me Cityn

Der Spiegel po vazhdon të tronditë publikun e futbollit duke publikuar raportet mahnitëse në Football Leaks.

Pas zbulimit të fundit rreth themelimit të Superligës Evropiane dhe favorizimin e Paris Saint-Germain dhe Manchester City nga ana e UEFA-s, revista gjermane publikoi informacione se si Josep Guardiola gjatë qëndrimit si trajner në Bayern Munich, fshehurazi ka nënshkruar kontratë me Manchester Cityn.

Pa dijeninë e administratës së Bayernit, spanjolli në mes të muajit tetor të vitit 2015 – gjatë kohës sa ishin në pushime ekipet – ai ka nënshkruar kontratë trevjeçare me udhëheqjen e Citizens.

Megjithëse e zgjati kontratën me klubin gjerman, ish-trajneri i Barcelonës njoftoi vendimin e largimit gjatë janarit të 2016.

Tre muaj pas nënshkrimit të një kontrate fitimprurëse me klubin anglez, ku në sezonin e parë të angazhimit fitoi 15.45 euro, në të dytin, 19 milionë euro. Gjithsej 34 milionë euro në 730 ditë.

Lexo po ashtu Four Four Two zgjedh 50 trajnerët më të mirë të vitit 2018: Guardiola, Zidane, Simeone e Allegri prijnë, Mourinho as në top 20-të

Manchester City në fillim të shkurtit 2016 zyrtarisht njoftoi ardhjen e Josep Guardiola. Ndërkohë, Bayern Munich njoftoi se pasardhësi i Guardiolës do të jetë Carlo Ancelotti.

Ndryshe, strategu në vitin e dytë të qëndrimit te klubi anglez ka fituar titullin e Ligës Premier. /Telegrafi/