Vetura me rimorkio po ecte në drejtim të kundërt, përplaset për disa vetura – tre të vdekur në një autostradë në Angli (Video)

Një çift në të 80-at dhe një burrë në 30-at e tij kanë mbetur të vdekur pasi një veturë që po tërhiqte një rimorkio kampingu kishte ecur në drejtimin e gabuar, përgjatë autostradës M40 në Angli.

Sipas mediave të huaja, përcjell Telegrafi, çifti po udhëtonte në një Subaru Forester, i cili tërhiqte një rimorkio dhe po ecte në drejtimin e kundërt.

Disa automjete u larguan nga rruga, por një Ford Focus dhe një Ford Mondeo nuk ishin në gjendje të shmangnin një përplasje të hënën pasdite.

Ndërsa të martën policia ka konfirmuar se shoferi dhe pasagjeri i Subaru-s së bashku me shoferin e Mondeo-s, humbën jetën gjatë përplasjes.

Pamjet të filmuara para përplasjes dhe të postuara në mediat sociale tregojnë shoferët që udhëtojnë në korsinë e jashtme të autostradës, të detyruar, në mënyrë që të shmangin një përplasje me Subaru-n.

Një numër njerëzish që dëshmuan se si Forester u drejtua në drejtim të gabuar e përshkruan atë që ndodhi, përmes Twitter-it.

Liz Hindmarsh kishte shkruar: “Burri im kishte për të shmangur korsinë e mesme, përndryshe ai do të ishte goditur”. /Telegrafi/