Sekretari i Jashtëm i Mbretërisë së Bashkuar, Lord David Cameron ka thënë se i takon Ukrainës të vendosë se si të përdorë armët britanike dhe këmbënguli se ajo ka të drejtë të godasë objektivat në territorin rus.
Gjatë një vizite në Kiev, ai tha se Mbretëria e Bashkuar do të sigurojë 3 miliardë paund (3.5 miliardë euro) në vit për aq kohë sa të jetë e nevojshme.
“Ashtu si Rusia po godet brenda Ukrainës, ju mund ta kuptoni plotësisht pse Ukraina ndjen nevojën për t’u siguruar që po mbrohet”, tha Lord Cameron.
Rusia dënoi atë që e quajti “një deklaratë tjetër shumë e rrezikshme”, raporton bbc.
“Ky është një përshkallëzim i drejtpërdrejtë i tensionit rreth konfliktit të Ukrainës, i cili potencialisht do të përbënte një kërcënim për sigurinë evropiane”, tha zëdhënësi i Kremlinit, Dmitry Peskov.
Lord Cameron nuk e mbështeti drejtpërdrejt idenë e përdorimit të armëve britanike për të goditur objektivat brenda Rusisë.
Por deri më tani, Mbretëria e Bashkuar në përgjithësi ka lënë të kuptohet – pa e shprehur qartë – se armët si raketa me rreze të gjatë Storm Shadow duhet të përdoren vetëm brenda territorit sovran të Ukrainës. Ka pasur disa shembuj të përdorimit të tij të suksesshëm në Krimenë e pushtuar nga Rusia, duke përfshirë kundër elementëve të Flotës ruse të Detit të Zi.
Ndryshe, SHBA-ja thuhet se i ka kërkuar Ukrainës që të ndalojë sulmet e saj ndaj rafinerive të naftës në Rusi, nga frika se mund të provokojë një përshkallëzim në konflikt. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251