Dialogu politik Kosovë-Serbi, në nivel presidentësh do të vazhdoj pasi pa dialog nuk mund të ketë marrëveshje gjithëpërfshirëse për normalizimin e marrëdhënieve në mes dy vendeve.
Kështu kanë vlerësuar analistët vendor në një prononcim për Telegrafin duke theksuar se të dy palët duhet të ulen përsëri në tryezën e bisedimeve, pavarësisht zhvillimeve në politikën e brendshme.
Analisti Ramush Tahiri, ka thënë se dialogu në nivel presidentësh do të vazhdoj pasi nuk ka alternativ tjetër. Tahiri theksoi se kush do që të jetë president në të dy shtetet Kosovë-Serbi, dialogu duhet të vazhdoj pasi Kosova po shënon humbje edhe në integrimin evropian.
“Pa dialog si Serbia edhe Kosova po shënon humbje plus në integrimin evropian nuk po mund të shënoj përparime. Pra dialogu do të zhvillohet në nivel presidentësh, kushdo qoftë president. Duhet marrëveshje gjithëpërfshirëse për normalizimin e marrëdhënieve. Dialogu do të vazhdoj në nivel politik”, ka thënë Tahiri
Edhe Jeta Krasniqi nga KDI, vlerëson që dialogu Kosovë-Serbi do të vazhdojë edhe në të ardhmen, pavarësisht faktit që presidenti i Serbisë, Aleksandar Vuçiq është duke kalibruar qëndrimin e tij në këtë proces.
Ndërsa sa i përket presidenti të vendit, Hashim Thaçi ajo tha se me vizitën që i bëri liqenin e Ujmanit ka nxitur tensione në raport me homologun e tij serb.
“Nga ana tjetër presidenti i Kosovës Hashim Thaçi me vizitën që bëri në liqenin e Ujmanit ka nxitur tensione në raport me homologun e tij serb, i cili ka reaguar kundër vizitës së Thaçit në Ujman. Për koincidencë ose jo, kjo ka ndodhur në një ditë kur në qendër të Prishtinës ka pas një protestë e cila është organizuar nga Vetëvendosje, që ka qenë e drejtuar kryekëput kundër Thaçit”, ka vlerësuar Krasniqi.
Krasniqi, tha se të dy palët si kosovare dhe serbe po vuajnë për të ndërtuar një konsensus të përgjithshëm
“Edhe në të kaluarën kemi parë tensione, por ne jemi mësuar t’i shohim palët të ulen përsëri në tryezën e bisedimeve, pavarësisht zhvillimeve në politikën e brendshme, tek e cila edhe pala kosovare edhe serbe po vuan për të ndërtuar një konsensus të përgjithshëm. Duke e parë këtë situatë të ndërlikuar, unë pres që në Bruksel të shohim një intensifikim të takimeve, duke e llogaritur një insistim të madh ndërkombëtar dhe duke e pas parasysh tajmingun për një marrëveshje përfundimtare juridikisht të obligueshme për Kosovën dhe Serbinë”, tha ndër të tjera, Jeta Krasniqi nga KDI.
Ndryshe, takimi i fundit në Bruksel u mbajt para tri jave, ku në këtë takim nuk pati takim bilateral mes dy presidentëve, atij të vendit Hashim Thaçi dhe të Serbisë, Aleksandar Vuçiq. /Telegrafi/
Lufta Prigozhin - Putin
Më shumëAksident i rëndë në Suharekë, dy të vdekur
Regjistrimi i diasporës: Çfarë përfiton Kosova?
Një muaj paraburgim ndaj boshnjakut që dyshohet për krime lufte kundër shqiptarëve në Gjakovë
LDK u vendos “vija të kuqe” të gjitha partive politike për koalicione parazgjedhore
Dobësimi i Euros në Shqipëri shtrenjton paketat turistike
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur