Lozano: Ndeshje e komplikuar ndaj Barcelonës, do të ishte ëndërr të luajë për ekipin nga Camp Nou

PSV Eindhoven përballet me një detyrë të vështirë për vizitën e tyre në Camp Nou të martën mbrëma, për të luajtur ndaj Barcelonës në Ligën e Kampionëve.

Ylli meksikan, Hirving Lozano është i vetëdijshëm për kërcënimet që do të hasin ata në ndeshjen hapëse të sezonit të ri në elitën e futbollit evropian, teksa ka treguar për dashurinë ndaj gjigantit katalunas.

“Do të jetë shumë e komplikuar”, ka thënë fillimisht Lozano në konferencën e tij për shtyp.

Lexo po ashtu Valverde: PSV ekip i vështirë, por ne duam ta fitojmë Ligën e Kampionëve  

“Ata janë një ekip i shkëlqyer, me lojtarë të mëdhenj, por ne do të përpiqemi të bëjmë më të mirën që mundemi”.

“Kam pasur disa postera në dhomën time, njëri nga Barcelona. [Lionel] Messi ka qenë gjithmonë një lojtar i madh dhe ai është i frikshëm. Për mua ai është më i miri në botë, ne do të duhet të shohim se si mund ta ndalojmë atë”.

Lexo po ashtu Të gjitha lajmet nga Lozano

“Është një ëndërr e vërtetë të luajë në Camp Nou. Nuk kam menduar kurrë për këtë, por falënderoj Zotin që më është dhënë mundësia”.

“Kjo është një lojë e rëndësishme për mua dhe dua të përfitoj më së shumti”.

“Kam bërë mirë në Kupën e Botës dhe shumë klube kanë ardhur për mua, por agjenti im më tha se kishte interesim nga Barcelona. Do të ishte një ëndërr e vërtetë për të ardhur në këtë klub të madh”, përfundoi meksikani. /Telegrafi/