Aksidenti i frikshëm i pilotit të IndyCar, Robert Wickens është duke u trajtuar pas lëndimeve të mëdha

Piloti i IndyCar, Robert Wickens, është hospitalizuar dhe po trajtohet për lendime në ekstremitetet e poshtme, dorën e djathtë dhe në shtyllën kurrizore, pas aksidentit të pësuar të dielën pasdite në garën në pistën Pocono.

Vozitësi kanadez ka pësuar edhe një lëndim në mushkëri, ashtu që rezonanca magnetike do ta caktojë diagnozën e saktë.

IndyCar rallies together in wake of Robert Wickens' accident https://t.co/ggWEjIOBmJ pic.twitter.com/wjgSNvccPn

— Boston Herald Sports (@BosHeraldSports) August 20, 2018

Nga IndyCar kanë thënë se sipas të gjitha gjasave, ai do të operohet në spitalin në Allentown të Pennsylvanias.

Kanadezi ishte përpjekur ta tejkalonte pilotin tjetër, Ryan Hunter-Reay, kur dy bolidet u prekën lehtë, mirëpo kjo mjaftoi që automjeti i tij të përplasej në murin rrethues.

HUGE CRASH in Pocono. Ryan Hunter-Reay & Robert Wickens collide, and Wickens gets into the fence. Shades of Scheckter and Brack in Texas 03. Red flag, long delay coming. #IndyCar #ABCSupply500 pic.twitter.com/6JxX0IncHB

— Blaynos (@Blaynos14) August 19, 2018

Pamjet nga xhirimet e aksidentit janë tmerruese, ku shihet rrotullimi dhe dëmtimi i madh bolidit të Wickens.

Stafi mjekësor ndërhyri menjëherë për ta ndihmuar pilotin, i cili kishte qenë i vetëdijshëm, ndërsa u transportua në urgjencë përmes helikopterit.

“Është gjëja më e keqe që mund të shohësh. Ai është i lënduar. Është i vetëdijshëm dhe i orientuar, dhe fatmirësisht është akoma gjallë”, ka thënë piloti tjetër, Sebastien Bourdais, në momentin e aksidentit. /Telegrafi/