Bale i vendosur të qëndrojë te Real Madridi pas largimit të Zidanes

Gareth Bale do të qëndrojë në Real Madrid dhe do të jetë në krye të projektit të ri të klubit, raportojnë mediat spanjolle.

Gjatë muajve të fundit ka pasur shumë thashetheme rreth të ardhmes së Bale, i cili shihej larg Santiago Bernabeut për sezonin e ri.

Por, sipas Diario AS, ylli uellsian do të jetë pjesë kyçe e skuadrës së sezonit të ardhshëm, në mungesë të Cristiano Ronaldos dhe mungesës së nënshkrimeve të mëdha në ekipin e parë.

Lexo po ashtu Të gjithë lojtarët e përshëndetën Zidanen pas largimit, përveç njërit – vazhdon thyerja me Gareth Balen, që e kishte shndërruar në lojtar stoli

29-vjeçari u kthye në ekipin javën e kaluar nga pushimet, ndërsa raporte të ndryshme sugjeruan se ai do të mbajë bisedime direkte me trajnerin e ri Julen Lopetegui.

Bale thuhet se do të kërkojë siguri se ai do të kthehet përsëri si titullar, pasi ka kaluar shumë kohë si rezervistë në sezonin e kaluar nën urdhrat e Zinedine Zidane.

Lexo po ashtu Bale: Isha i zhgënjyer që Zidane më la rezervë në finalen e Ligës së Kampionëve

AS raporton gjithashtu se komentet e tij të fundit në lidhje me lënien në bankë në finalen e Ligës së Kampionëve kanë ndërruar mendje dhe kjo pasqyron ndryshimin e rrethanave.

Largimi i Zidane thuhet se kanë qenë vendimtar në ndryshimin e planit me Bale që tani është vendosur të hyjë në sezonin e tij të gjashtë në Bernabeu. /Telegrafi/