Chelsea i kërkon Realit rreth 226 milionë euro për Hazardin

Eden Hazard mund të largohet gjatë afatit kalimtar të verës nga Chelsea.

Real Madrid është duke kërkuar me ngulm një zëvendësues të larguarit Cristiano Ronaldo, i cili tashmë është transferuar te italianët e Juventusit.

Belgu shihet si lojtar kryesor që presidenti i madrilenëve, Florentino Perez po kërkon ta sjell në radhët e klubit, i cili pritet të bëjë revolucion në ekip.

Por, sipas gazetës amerikane “The Times” ekipi londineze është duke kërkuar një shumë të majme të parave që kap shifrat 200 milionë funte (226.5 milionë euro). Pak a shumë atë që PSG i pagoi Barçës një vit më parë për Neymarin.

Këtë shumë po e kërkojnë The Blues edhe për faktin se pas botërorit vlera e lojtarit është rritur pasi që ka marr titullin “Silver Ball”, si lojtari i dytë më i mirë në Kupën e Botës.

Mesfushori theksojmë se ka kontratë të vlefshme edhe për dy vite me anglezët ndërsa kohët e fundit ka refuzuar ta vazhdoj marrëveshjen me Chelsean.

Ndryshe, 27-vjeçari deri më tani është paraqitur 208 herë në të gjitha garat për The Blues dhe ka shënuar 69 gola. /Telegrafi/