Taravari: Shqiptarët ende nuk janë të barabartë në Maqedoni

Hapja e Kushtetutës për zbatimin e marrëveshjes së Prespës që do të përdoret për ndryshim dhe që do të çojë në promovimin e të drejtave dhe pozitës së shqiptarëve si një bashkësi etnike në Maqedoni, kërkohet nga partia opozitare Aleanca për Shqiptarët, përcjell Telegrafi Maqedoni.

“Unë besoj se të gjitha partitë që nënshkruan deklaratën në janar të vitit 2017 do të qëndrojnë pranë fjalës dhe do të ndryshojnë Kushtetutën në mënyrë që shqiptarët ta ndjejnë këtë shtet si të tyre. Gjuha shqipe duhet të jetë zyrtare, siç thuhet në Deklaratën e Partive Politike të Aleancës, por gjithashtu ajo që ishte pjesë e Marrëveshjes së Ohrit dhe preambula apo shteti që të jetë i gjithë qytetarëve edhe të maqedonasve edhe të shqiptarëve dhe komuniteteve të tjera”, tha Arben Taravari, nga Aleanca për Shqiptarët.

Nga lëvizja Besa e Afrim Gashit ka reaguar se tani nuk është koha për këto “ekspozita” sepse prioritet është integrimi në BE dhe anëtarësimi në NATO. Për BDI-në, aspekti normativ i Marrëveshjes së Ohrit finalizohet duke publikuar Ligjin për Përdorimin e Gjuhëve në Gazetën Zyrtare. /Telegrafi/