Sipas kryetares së Lidhjes së Odave ekonomike të Maqedonisë, Daniela Arsovska, puna në të zezë e bizneseve nuk është një problem i ri, por është i trashëguar. Megjithatë sipas saj, brengos fakti se në kohët e fundit rritet numri i bizneseve që punojnë jashtë rrjedhave formale të biznesbërjes në shtet.
“Ekonomia informale ka ekzistuar edhe më parë , por problem më i madh aktualisht për biznes ambientin në Maqedoni, është fakti se po shënohet çgjistrimi masovik i firmave dhe kalimi i tyre të punojnë në të zezë, duke shikuar se kompanitë që nuk janë të regjistruara nuk ndiqen. Bile sipas vlerësimeve tona mund të shkojë deri në 25 për qind i ekonomisë vendore , numri i bizneseve që kanë kaluar të punojnë në ekonominë informale”, thekson Arsovska.
Nga ana tjetër, ministri pa portofol, Zoran Shapuriq, thotë se nevojitet një analizë më e thellë dhe më e detajuar e bazuar në të dhënat e Regjistrit qendror që të dimë me të vërtetë se sa kompani eventualisht edhe mund të kenë të kaluar të punojnë në ekonominë informale.
“ Në radhë të parë ekonomia informale paraqet një problem që është shtresuar me vite, dhe kërkon luftë vazhdueshme dhe jo luftë në aspekt fushate. Gjithashtu nevojitet që të kemi të dhëna më të sakta lidhur me numrin e firmave që mund të jenë të bllokuara, të mos jenë më aktive e kështu me radhë që të mund përgatisim një analizë më të gjerë, dhe pastaj mund të flasim më detajisht për këto pohime”, thotë Shapuriq.
Sipas tij, në takimin me afaristët e kësaj ode është theksuar se ekzekutivi i ri angazhohet për dialog të vazhdueshëm me biznesin për zgjidhjen e problemeve. Është biseduar edhe për mbindërtimin e masave për rritje ekonomike, kthimin më të shpejtë të TVSH-së për firmat në kohët e fundit , përkrahjen për herë ndaj biznesit vendor, etj.
Nga Lidhja e Odave ekonomike të Maqedonisë kanë kërkuar ndihmë nga pushteti qendror edhe ndihmë lidhur me pasigurinë juridike në ndërtimtari apo zgjidhen e problemeve me planet që mundësojnë apo jo ndërtime të reja për bizneset, për çka kanë kërkuar intervenim nga pushteti qendror ndaj pushtetit lokal. Kërkohet edhe mos anulimi i ligjeve që veçmë janë miratuar, si dhe një disiplinë më madhe financiare , apo pagesa e borxheve të komunave dhe ndërmarrjeve publike ndaj biznesit.
Ndryshe, sipas analizave të Lidhjes së Odave Ekonomike të Maqedonisë, transporti, turizmi, hoteleria, dhe bujqësia janë veprimtaritë ekonomike ku më së shumti është prezente ekonomia informale , apo punë në të zezë. Gjithashtu në takimin midis afaristëve të kësaj ode dhe ministrit Shapuriq, është theksuar se sipas analizave të Qendrës Evropiane për legjislacion evropian, rregullativa për qasjen ndaj financave, përforcimi i kapaciteteve të ndërmarrjeve të vogla dhe të mesme dhe qasja konzervative e bankave që vështirë japin kredi, janë detektuar si sfidat më të mëdha të kompanive të vogla dhe të mesme./koha.mk/
Promo
Reklamo këtuLufta Prigozhin - Putin
Më shumëArratiset Enver Sekiraqa, policia ka informuar të gjitha vendkalimet kufitare
Arratisja e Enver Sekiraqes, flet avokatja e tij
Kupchan: Përgatitja për themelimin e Asociacionit, vendim i rëndë për Kosovën
Analistët: Zhvillimet rreth Këshillit të Evropës rrezikojnë të ulin ritmin e integrimit evropian të Kosovës
Nënsekretarja amerikane e Shtetit viziton trupat amerikane të KFOR-it, sheh veriun nga helikopteri
Kryeprokurori special flet për rastin e Enver Sekiraqes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare