Prishtina reagon pas vdekjes së Fadil Vokrrit: Lajm i hidhur për vdekjen e futbollistit më të mirë që kemi pasur

Prishtina ka reaguar në lidhje me vdekjen e kryetarit të FFK-së Fadil Vokrri.

Legjenda e futbollit kosovar famën më të madhe e mori sa ishte pjesë e Prishtinës duke shkëlqyer në ish-ligën jugosllave.

Nëpërmjet një postimi në faqen zyrtare, Prishtina i ka shprehur ngushëllime familjes Vokrri.

“Lajm i hidhur për të gjithë sportdashësit në Kosovë e më gjerë. Sot ka ndërruar jetë futbollisti më i mirë që ka pasur Prishtina, Fadil Vokrri”.

Lexo po ashtu Të gjitha lajmet nga Fadil Vokrri

“Futbollisti me të cilën Prishtina kishte zgjeruar famën përtej kufijve të Kosovës. Futbollisti me të cilin mbarë adhuruesit e futbollit shqiptar në ish-Jugosllavi me mburrje do të kujtojnë çdo moment të hapit të tij”.

Lexo po ashtu Telegram ngushëllimi nga gjiganti turk Fenerbahce për ish-yllin e tyre Fadil Vokrri

“Fadil Vokrri, pjesë e skuadrës së Prishtinës së viteve 80-ta, drejtor i klubit gjatë kohës së tranzicionit të statusit të klubit në vitin 2004-2006, dhe tani kryetar i Federatës së futbollit në kohën e pranimit ndërkombëtar, do të kujtohet deri në përjetësi”

“Bordi i aksionarëve të FC Prishtina, futbollistët e FC Prishtina, të gjithë punonjësit e klubit, shprehin ngushëllimet më të përzemërta familjes Vokrri”, thuhet në reagimin e klubit kryeqytetas. /Telegrafi/