Dasma Mbretërore i sjell ekonomisë britanike 1.2 miliard paund

Në Londër ekziston konsensusi mbi faktin që dasma e Princit Harry dhe Meghan Markle, të shtunën e kaluar më 19 maj në “Windsor”, ka qenë një sukses i vërtetë nga të gjitha këndvështrimet: çifti, familja mbretërore, mediet, e mbi të gjitha ekonomia.

Ekonomia britanike, me sa duket do të fitojë jo pak, por 1.2 miliardë stërlina këtë vit, sipas “Brand Finance”, që është marrë me parashikimet para dasmës dhe me përllogaritjet pas saj.

Edhe violinçelisti dhe këngëtarët e korit po përballen me të ardhura rekord pas dasmës. 19-vjeçari Sheku Kanneh-Mason, i zgjedhur personalisht nga princi Harry, pasi luajti në kishën e Shën Xhorxhit, para Mbretëreshës dhe të ftuarve, ka njohur një ngjitje në klasifikim. Albumi i tij është i pari në zhanrin e muzikës klasike për vitin 2018. Disku i tij ka lënë pas edhe rekordin e Julian Lloyd Webber, në vitin 1990.

Lexo po ashtu Dasma Mbretërore: Gjithçka rreth martesës glamuroze të Princit Harry dhe Meghan Markle të mbajtur në Kështjellën Wisdor

Edhe predikuesi amerikan, Majkëll Kërri, që mori fjalën para një audience planetare në dasmën mbretërore, tani është një yll mediatik. Sipas përllogaritjeve, “Windsor” ka fituar në total 1.5 milionë stërlina më shumë, falë “Po”-së mbretërore.

Kjo dasëm do të lërë pas, për sa u takon fitimeve, edhe atë të William dhe Kate Middleton. Kjo, për faktin se Princi William, që është trashëgimtar i fronit pas Princit Charles, për dasmën e tyre në vitin 2011 u dha një ditë pushim dhe rezultati ishte 1.5 miliard stërlina prodhim më pak për ekonominë britanike.

Ata që pretendojnë se dasmat mbretërore nuk i sjellin përfitime ekonomisë, përmendin pikërisht rastin e dasmës së William dhe Kate. Sidoqoftë, edhe në vitin 2011, humbja u kompensua nga biznesi që shoqëroi shfaqjen. Por, këtë radhë, dasma mbretërore u mbajt të shtunën dhe nuk pati nevojë të humbeshin miliarda stërlina prodhim. Ndaj, kjo e bën më të dukshëm rezultatin pozitiv në fund të llogarive. /Telegrafi/