Spektakël nga fillimi i ndeshjes ishte në Gjakovë në mes Vëllaznimit dhe Gjilanit, por në fund të ndeshjes është prishur pasi tifozët vendas goditën me gur Betim Haxhimusën e mysafirëve. Gjithsesi ndeshja që zgjati më shumë se dy orë nuk ka sjellë fitues pasi skuadrat luajtën baras 0-0 me të cilin rezultat Gjilani siguroi mbijetesën.
Ndeshja filloi me spektakël në tribuna nga tifozët vendas që kishin mbushur shkallët e stadiumit.
Por edhe futbollistët e Gjilanit nuk ishin të vetëm pasi për t’i përkrahur kishin udhëtuar Skifterat.
Të pranishëm në stadiumin e qytetit në Gjakovë, ishin edhe yjet e futbollit shqiptar si Lorik Cana, Amir Abrashi dhe Eros Grezda.
Ndeshja nisi më mirë për mysafirët të cilët rrezikuan pas katër minutave lojë.
Gëzim Rusi gjuajti bukur pas harkimit nga Sadriu por portieri i vendasve Muhaxhiri shpëtoi portën.
Pas këtij aksioni, vendasit morën lojën në dorë dhe tentonin të shënonin golin e epërsisë.
Por në minutën e 22-të Gjilani ka mundur të shënoj pas një kundërsulmi por goditjen e Armend Thaqit e ndali Muhaxhiri.
Vëllaznimi rastin e parë të mirë e pati në minutën e 30-të, por mbrojtja mysafire intervenoi mirë për ta larguar rrezikun.
Krejt në fund të pjesës së parë, vendasit që po mbroheshin mirë patën edhe një kundërsulm të rrezikshëm por Ergon Hyseni në fund u ngatërrua me topin.
Me rezultatin e barabartë 0-0 përfunduan 45 minutat e para të kësaj sfide.
Vëllaznimi e nisi fuqishëm pjesën e dytë kur rrezikuan me goditjen e Jeton Dushit por pa sukses.
Në minutën e 57-të edhe Besnik Krasniqi tentoi shënimin me kokë por goditja e tij përfundoi jashtë portës.
Vendasit vazhduan sulmet e rrezikshme ndërsa rast të mirë pati edhe Rogova por pa sukses.
Lorik Rudi pati një rast tejet të mirë në minutën e 81-të, por Donat Kaçiu i mysafirëve shpëtoi gol të sigurt.
Djelmoshat e Gani Sejdiut nuk i ndalën sulmet dhe radhën për të rrezikuar e kishte Besnik Krasniqi por mbi portë.
Gjyqtari i katërt dha gjashtë minuta shtesë në këtë takim.
Gjithçka filloi në minutën e parë shtesë kur filloi përleshja mes futbollistëve në mes të fushës.
E derisa po kryhej një zëvendësim nga mysafirët, tifozët vendas goditën me gur në kokë Betim Haxhimusën e Gjilanit duke ia qarë kokën.
Përleshjet vazhduan mes lojtarëve, derisa gjyqtari kryesor Genc Nuza ndërpreu ndeshjen.
Gjyqtari nga Prishtina pas konsultimit me kolegët e tij dhe delegatin e ndeshjes vendosën t’i dërgonin lojtarët e dy skuadrave në zhveshtore dhe dha urdhër për tu larguar tifozët.
Pas më shumë se gjysmë ore rifilloi ndeshja ku Gjilani u tregua i rrezikshëm me Armend Thaqin që për pak sa nuk shënoi.
Deri në fund më nuk pati ndonjë rast shënimi dhe ndeshja përfundoi pa fitues 0-0.
Gjilani e mbyll këtë kampionat me 46 pikë të tubuara pas 33 ndeshjeve në Superligë.
Ndërkohë Vëllaznimi mbetet në pozitën e nëntë me 44 pikë dhe do të luaj në barazh me Ferizajn e pozitës së katërt nga Liga e Parë. /Telegrafi/
Lufta Prigozhin - Putin
Më shumëUEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
Pse Jamal Musiala vendosi të mos përfaqësojë Anglinë në nivel të lartë, duke përzgjedhur më pas Gjermaninë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit