Reagon Sindikata e Postës, kërkon të mos ulen pagat e punëtorëve

Sindikata profesionale e Punëtorëve të Telekomit të Kosovës ka reaguar pas deklaratës së Ministrit të Zhvillimit Ekonomik, Valdrin Lluka, se pas një qershorit do të ketë ulje të pagave në mënyrë që të shpëtohet Telekomi nga falimentimi.

SPP në reagimin e saj thotë se ministri Lluka nuk ka njohuri se si kanë shkuar proceset në Postës dhe Telekomit të Kosovës.

Të njëjtit përmes një shkrimi kanë bërë thirrje që të rishikohen të gjitha opsionet ku përfshihen reduktimet e kontratave të dëmshme, rishikimin e kontratave të qirave si dhe të shpenzimeve të panevojshme që janë bërë deri më tani.

Lexo po ashtu Nga një qershori ulen pagat në Telekomin e Kosovës

“Për  SPP PTK deklaratat e Minstrit Lluka janë të papranueshme pasi që si duket ministri opsionin e fundit e jep si të parin, duket se ministri nuk është në njohuri se si kanë shkuar proceset në PTK. SPP i bën thirrje që të rishikohen të gjitha opsionet ku përfshihen reduktimet e kontratave të dëmshme rishikimin e kontratave të qirave si dhe të shpenzimeve të panevojshme që janë bërë deri më tani”.

“Sindikata është e palëkundur në qëndrimet e tyre kur vihet në pyetje mbrojtja e mirëqenies dhe te drejtave të punëtorëve andaj i bëjmë thirrje ministrit që të ketë kujdes me deklarata të tilla pasi që ato vazhdimisht janë duke zbehur imazhin e PTK-së, si dhe janë duke de-motivuar punëtorët që më së paku janë fajtorë për situatën e krijuar”, thuhet në njoftim.

Ndryshe, sipas ministrit Lluka nga muaj i ardhshëm punonjësit e Telekomit të Kosovës do të marrin pagat 40 përqind më pak./Telegrafi.