LeBron James fantastik, realizon 40 pikë në fitoren e Cavaliers kundër Pacers – Houston eliminon Minnesotën

Në orët e para të mëngjesit të sotëm janë luajtur katër ndeshje në ligën më të fortë të basketbollit.

Nënkampioni i NBA-së, Cleveland Cavaliers ka rikthyer epërsinë e fitoreve në serinë finale të “play off”.

Cavsat kanë triumfuar kundër Indiana Pacers në saje të një avantazhi prej tre pikëve 98-95.

Tre çerekë i takuan paqësorëve, por kalorësit periudhën e tretë e fituan me 15 pikë diferencë (32:17), e cila ishte e mjaftueshme për të përmbysur gjithçka në këtë takim.

Basketbollisti më efikas te Cavaliers ishte me “double-double” LeBron James, i cili arriti të realizonte 40 pikë dhe të shtoi dhjetë kërcime. Ai u ndihmua edhe nga Kyle Korver që shtoi 19 pikë.

Te Pacers më të mirët ishin Domantas Sabonis me 22 pik ndërsa Thaddeus Young shtoi 16 sosh, por që nuk ishin të mjaftueshme për të shmangur humbjen.

Pas kësaj, Clevelandit i duhet edhe një fitore për të arritur në çerekfinale të Konferencës ndërsa Indiana ka vetëm dy fitore në serinë prej katër fitoresh.

Në anën tjetër, Houston Rockets ka arritur me lehtësi ta eliminojë Minnesota Timberwolwes pas fitores së sotme me rezultat 122:104. Raketat arritën fitoren e katërt kundrejt një humbje. /Telegrafi/

Houston 122-104 Minnesota

Oklahoma City 107-99 Utah

Toronto 108-98 Washington