Guardiola: Urime Unitedit, tani përqendrohemi për ndeshjen e Ligës së Kampionëve ndaj Liverpoolit

Pep Guardiola ka folur pas humbjes së Manchester Cityt në shtëpi ndaj Manchester Unitedit me rezultat 2-3.

Qytetarët kanë humbur ndaj Djajve të Kuq në takimin i cili i shpallte zyrtarisht kampion të Ligës Premier, por Guardiola nuk i ka sulmuar lojtarët e tij, teksa i ka uruar edhe kundërshtarët për fitoren.

“Nganjëherë keni momente të këqija, në dy ndeshjet e fundit kemi pasur momente dhe kundërshtari ka shënuar gola”, ka thënë fillimisht Guardiola.

Lexo po ashtu Unitedi e kryen me sukses detyrën, shtyn festën e Cityt duke fituar me rikthim të çmendur në derbin e zjarrtë lokal

“Urime për Unitedin. Tani do të ngrihemi dhe do të jemi të guximshëm dhe do të përqendrohemi të martën. Pogban e përgëzova për rezultatin”.

“Ne jemi një skuadër që kemi pranuar gola më pak dhe kemi dhënë më pak shanse për ekipet e tjera”.

“Unitedi nuk pati asnjë shans në pjesën e parë, por në pjesën e dytë ata patën dy shanse dhe shënuan dy gola. Pas kësaj ne i mposhtëm ata dhe patëm shanset të mira, por u shpëtuan nga De Gea”.

Lexo po ashtu Man City 2-3 Man Utd, notat e lojtarëve

“Ne jemi të trishtuar për veten dhe për fansat tanë. Por kemi 84 pikë dhe gol diferencë +30. Pas ndeshjes të martën ne do të përqendrohemi në fitimin e ligës”.

“Është hera e parë që kemi humbur dy ndeshje rresht, tani duhet të rikthemi dhe të shkojmë përpara përsëri”, përfundoi trajneri i Cityt. /Telegrafi/