Koreografi, ndalet loja në minutën e 13 dhe në lot i gjithë stadiumi: Gjithçka e bukur dhe emocionuese në kujtim të kapitenit Astori (Foto/Video)

Fiorentina ka përkujtuar si është më së miri kapitenin e tyre tashmë të ndjerë, Davide Astorin.

Mbrojtësi italian ndërroi jetë të dielën e kaluar në hotelin e skuadrës para ndeshjes kampionale ndaj Udineses.

Vdekja e tij e papritur në gjumë shokoi skuadrën e Fiorentinës, futbollin italian dhe gjithë sportdashësin në botë.

Megjithatë, skuadra italiane, Fiorentina, e ka bërë të ndihet krenar ish-kapitenin e tyre me organizimin në kujtim të tij para ndeshjes me Beneventon.

Kjo nuk ishte një ndeshje e zakonshme, pasi Viola u kthye në fushë për herë të parë që kur kapiteni Astori vdiq në gjumë një javë më parë.

Funerali u mbajt të enjten dhe kishte skena më të thella emocionale pasi tifozët përshëndetën mbrojtësin 31-vjeçar në një minutë heshtje shurdhuese përpara se balonat e purpurta dhe të bardha të liroheshin në qiell.

? Fiorentina's game comes to a stop in the 13th minute as everyone pays tribute to Davide Astori.

Amazing.

(? @btsportfootball)pic.twitter.com/asqFNjJeLG

— The Sportsman (@TheSportsman) March 11, 2018

Tifozët gjithashtu kishin mbushur tribunën me emrin dhe numrin e tij, ndërsa edhe shumë banderola tjera nuk mungonin.

Njëra shënonte: ‘Ka njerëz që nuk vdesin kurrë … Ka histori që kalohen përmes përjetësisë … Udhëtim i mirë, kapiten’.

Një banderolë tjetër shënonte: “Faleminderit kapiten, një tjetër ‘Tung kapiten’ dhe disa tjerët ‘Pusho në paqe’.

Në këtë ndeshje në kujtim të Astorit gjithçka ishte perfekte, ku para ndeshjes gjithë futbollistët e Violas dolën me fanellat me numër 13, ashtu sikurse ishin edhe fëmijët përcjellës.

Në minutën 13-të për të shënuar numrin e fanellës së Astorit, loja u ndal dhe tifozët shfaqën një vepër gjigante të artit me një mesazh: ‘Davide 13’.

Futbollistët e klubit italian, trajneri dhe shumë tifozët nuk mundën t’i ndalnin lotët, pasi ish-kapiteni i tyre ishte i dashur për të gjithë.

Kapaku i gjithë këtij organizimi perfekt dhe emocional ishte gol i shënuar pikërisht nga zëvendësuesi i Astorit, Vitor Hugo, i cili golin dhe festën ia dedikoi ish-shokut të tij.

Pjesa e parë e takimit ndaj Beneventos përfundoi me rezultat minimal 1-0 në të mirë të Violas. /Telegrafi/

Minuto 13' ciao Davide #DA13 ?⚜️ pic.twitter.com/nMiYILaRXN

— ACF Fiorentina (@acffiorentina) March 11, 2018

#DA13?⚜️ pic.twitter.com/WxaliIDtDu

— ACF Fiorentina (@acffiorentina) March 11, 2018

In campo per il riscaldamento.#BattitiViola #DA13 ? pic.twitter.com/QBvAZurAqf

— ACF Fiorentina (@acffiorentina) March 11, 2018

Finale del primo tempo #FiorentinaBenevento 1-0
Goal di Vitor #Hugo pic.twitter.com/w6C26lYiD4

— ACF Fiorentina (@acffiorentina) March 11, 2018