Lautaro Martinez: Më pëlqejnë Serie A dhe La Liga, ëndërroj të luaj me Messin

Objektivi i Interit, Lautaro Martinez ka pranuar se i pëlqen liga spanjolle dhe ajo italiane, por shtoi se dëshiron të fitoj Copa Libertadores me Racing Club dhe pastaj të largohet drejt Evropës.

Sulmuesi i talentuar argjentinas pritet të nënshkruajë për Nerazzurrët në verë, por deri më tani asnjë marrëveshje nuk është shpallur dhe vetë lojtari ka deklaruar se asgjë nuk është nënshkruar, por shtoi se objektivi i tij është luaj në Evropë.

“Objektivi im është të luaj në Evropë”, ka thënë fillimisht Martinez për AS Argentina.

Lexo po ashtu Martinez: Nuk kam nënshkruar me Interin, në qershor vendosi për klubin e ardhshëm

“Do të ishte mirë të rritesha dhe të vazhdoj të mësoj. Kur kam marrë oferta në të kaluarën kam preferuar të qëndroj dhe të vazhdoj të mësoj”.

“Kam mbajtur atë që kam premtuar, kam rinovuar kontratën time dhe dua të fitoj Copa Libertadores”.

“Pas kësaj ne do të shohim, më pëlqen liga spanjolle dhe ajo italiane dhe e di që do të përshtatem mirë atje, më pëlqen shumë”, përfundoi argjentinasi.

Lexo po ashtu Presidenti i Racing: Lautaro Martinez do t'i bashkohet Interit

Martinez gjithashtu foli edhe për Kupën e Botës, ku tha se shpreson që të ftohet nga Kombëtarja, teksa theksoi se inspirimi i tij është Lionel Messi, me të cilin ëndërron të luaj.

Por, sulmuesi i talentuar gjithashtu shtoi se mëson shumë edhe nga Sergio Aguero dhe Gonzalo Higuain, dhe përpiqet të mësoj nga të gjithë. /Telegrafi/