Zidane: Titulli në La Liga nuk është i pamundur

Zinedine Zidane këmbëngul se Real Madridi ende mund të mbrojë titullin e tyre kampion në La Liga në këtë sezon, pasi ka thënë se edhe pse është e komplikuar, nuk është e pamundur.

Humbja 1-0 e Real Madridit në Espanyol të martën i la ata 15 pikë prapa Barcelonës, por katalunasit nuk arritën të mundnin Las Palmasin pas 48 orëve dhe do të përballen me Atleticon këtë fundjavë dhe këtu Zidane pret të afrohet me pikë.

“Liga është ende e hapur.  Asgjë nuk është dhënë falas ndonjëherë në futboll”, ka thënë fillimisht Zidane në konferencën për shtyp para ndeshjes ndaj Getafes.

“Asgjë nuk është dhënë falas ndonjëherë në futboll”.

“Ne duhet të vendosim në kokat tona që çdo ndeshje e Ligës është e rëndësishme”.

“Është e komplikuar, po, por jo edhe pamundur”.

“Disfata jonë në Espanyol më ka mërzitur mua [pasi Barca barazoi me Las Palmas]. Kishim një shans për t’u afruar pak”.

“Madridi ende nuk ka fituar ndonjë gjë këtë sezon, prandaj është e rëndësishme që ne të tregojmë formën dhe futbollin tonë”, përfundoi francezi.

Ndryshe, Mbretërit e presin sot (e shtunë) Getafen në ndeshjen e vlefshme për javën e 27-të të La Liga. /Telegrafi/