Valverde pas barazimit ndaj Las Palmasit: Penalltia e padukshme, jemi të parët dhe duam të qëndrojmë aty

Ernesto Valverde ka siguruar se skuadra e tij është ende e para në tabelë dhe duan të qëndrojnë aty deri në fund, teksa ka sulmuar penalltinë e ‘padukshme’ të Las Palmas, pasi Barcelona barazoi 1-1 të enjten mbrëma.

Lionel Messi shënoi një supergol për të kaluar Barçën në epërsi 0-1, por një penallti e cilësuar si e ‘padukshme’ nga Valverde, e barazoi rezultatin në 1-1 dhe kjo ka nxehë gjakrat te trajneri i katalunasve.

“Ne nuk e duam barazimin”, ka thënë fillimisht Valverde pas ndeshjes, e cila e la Barçën vetëm pesë pikë larg Atletico Madridit në vend të dytë.

Lexo po ashtu Barcelona ndalet me barazim nga Las Palmasi (Video)

“Ne mund të kishim marrë më shumë avantazh në pjesën e parë, por ata morën fituan një penallti dhe u mbrojtën shumë mirë në pjesën e dytë, gjë që e bëri të pamundur për ne”.

“Penalltia? Ne nuk e dimë se për çfarë aludoi sinjali i gjyqtarit. Askush nuk e di në dhomën e veshjes”.

“Ne nuk e kuptuam atë në atë kohë që ndodhi, ishte e pashpjegueshme. Shpresojmë se duke parë atë në TV do të qartësojmë vendimin e tij pak, por ishte një penallti e padukshme”.

“Dora e Chichizolës? Për mua ishte shumë e qartë, edhe pse e imagjinoj se trajneri i Las Palmasit, Paco Jemez, nuk do ta kishte menduar kështu”.

Lexo po ashtu Las Palmas 1-1 Barcelona, notat e lojtarëve (Foto)

“Atletico? Loja kundër tyre është vetëm rreth këndit, dhe do të jetë e rëndësishme për të dy ekipet”.

“Ne largohemi këtu me një shije të keqe në gojën tonë, duke pasur parasysh se mund ta kishim bërë këtë me një fitore, por ne jemi ende të parët dhe duam të qëndrojmë atje”. /Telegrafi/