Milani i interesuar në Laxalt, ofron edhe lojtarë si pjesë të marrëveshjes

Milani thuhet se është i interesuar për anësorin e Genoas, Diego Laxalt, dhe mund të ofrojë Andrea Bertolaccin për ta ulur çmimin.

Rossonerët pritet të nënshkruajnë me Ivan Strinic nga Sampdoria në verë, por drejtori sportiv Massimiliano Mirabelli po punon gjithashtu për marrëveshje të tjera.

Sipas gazetës italiane Tuttosport, Milani janë të interesuar të sjellin Laxaltin në San Siro, pasi ata janë të impresionuar nga puna dhe shkathtësitë e tij.

Lexo po ashtu Milani ka marrëveshje me Strinic?

Genoa do të kërkonte të paktën 10 milionë euro, por Milani ka dy karta në dorë për ta ulur këtë çmim.

Gazeta italiane raporton se mesfushori Bertolacci dhe sulmuesi Gianluca Lapadula mund të përdoren si pjesë e marrëveshjes.

Ky i fundit është në huazim te Genoa, të cilët janë të detyruar të nënshkruajnë me atë në fund të sezonit për një shifër të raportuar prej 11 milionë eurosh.

Lexo po ashtu Milani mendon për Dzekon, gati edhe paga e lartë për sulmuesin boshnjak

Nëse kjo do të ndihmonte në marrjen e një marrëveshjeje për Laxaltin, Rossonerët mund të ofronin një zbritje për këtë tarifë.

Bertolacci është gjithashtu në huazim në Marassi, edhe pse pa mundësi blerje, dhe ai gjithashtu mund të ofrohet në mënyrë të përhershme me një çmim të prerë, por më të vogël se 10 milionë euro. /Telegrafi/