Në Kosovë ndotësit e ajrit janë të shumtë. E, cilësia e ajrit dukshëm është më e keqe gjatë periudhës tetor –shkurt. Kështu kanë thënë ekspertët e kësaj fushe në emisionin “Përballje”, prodhim i Telegrafi.com, që transmetohet në RTV Dukagjini.
Kryeshefi i Agjencisë për Mbrojtjen e Mjedisit, Ilir Morina, ka theksuar se ndotja më e madhe e ajrit në vend, është në periudhën prej muajit tetor deri në muajin shkurt, duke sqaruar se ndotja e ajrit ndodhë nga komponentë të ndryshëm, siç janë: ndryshimet meteorologjike, karburantet e automjeteve, termocentralet dhe ngrohja e cila bëhet nëpër shtëpi.
“Industria, përveç KEK-ut, shkritoret tjera, qendrat e riciklimit të forma të ndryshme të kemikaleve dhe të ngjyrave, janë ndotës tjerë, edhe nëse janë në suaza të normave të lejuara”, ka theksuar Morina.
Sipas tij, rajoni i Prishtinës, mbetet rajoni më i ndotur në Kosovë, për dallim nga pjesa e rrafshit të Dukagjinit, ambienti në cilin është më i pastër.
“Në Drenas kemi pasur tejkalim të pluhurave, ose ta zëmë në Han të Elezit, për shkak të ‘Sharrcemit’, e kemi një gjendje jo të mirë. Mitrovica ka gjithmonë limite të larta dhe komplet regjioni i Prishtinës, i cili paraqitet më i ndoturi”, ka theksuar Morina.
Ai ka sqaruar se në vitin 2016 janë ngritur mbi 500 padi ndaj operatorëve ekonomikë, të cilët e ndotin ambientin, por që, sipas tij, gjykatat kanë marrë masa vetëm ndaj 20 prej tyre.
“KEK-u mbetet ndër ndotësit më të mëdhenj, më pas gurëthyesit. Derisa kemi bërë shumë padi për shkatërruesit e lumenjve, e që shumica prej tyre nuk janë dënuar, përjashto disa raste”, ka thënë ai.
Sipas tij, kalimi i normave mesatare të ndotjes së ajrit gjatë 35 ditëve në një vit, konsiderohet normale. E, sipas tij, numri i ditëve ku ajri ka ndotje shqetësuese, shkon në 76 ditë.
“Kur kemi këso tejkalime, ndodhë afektimi i shëndetit dhe i biodiversitetit, për shkak se kemi kontaminim të tokës dhe dëmtim të ujit, etj”, ka shtuar Morina.
Ai më tutje ka thënë se dalja me vlerësime se kemi ndotje të ajrit dhe futja në alarm e popullatës, po shkakton paqartësi të njerëzit e thjeshtë, duke shtuar se i lut të mos merren me tema, të cilat nuk i njohin.
Sipas tij, në ueb faqen e agjencionit, të cilin e drejton, ai çdo ditë i publikon të dhënat për ndotjen e ajrit në Kosovë, dhe se ka edhe raporte edhe disa ditore ose javore.
Morina ka shprehur shqetësimin e tij për mungesën e implementimit të ligjeve që lidhen me mjedisin, duke shtuar se ka edhe deficit të ekspertëve të kësaj fushe dhe se puna në të shumtën e rasteve nuk kryhet me përgjegjësi.
Ndërsa eksperti i mjedisit, Behxhet Mustafa, ka deklaruar në emisionin “Përballje” se termocentralet e KEK-ut dhe veturat janë ndotësit më të mëdhenj në Kosovë.
Sipas tij, duhet patur më shumë kujdes institucional për këtë fushë në të ardhmen.
Emisioni “Përballje” është prodhim i Telegrafit me gazetarin Muhamet Hajrullahu dhe transmetohet çdo të hënë në ora 20:10 në RTV Dukagjini dhe Telegrafi.com/Telegrafi/
Lufta Prigozhin - Putin
Më shumëNjë tjetër fitore për Kosovën në Washington
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
AGK reagon ndaj shpërndarjes së numrit të gazetares nga grupi “Albkings”
Dëshmitari thotë se i akuzuari për krime lufte në Vushtrri e kishte goditur me armë në fytyrë
Vranët e me shi
"Golden Sabre 2024” – fotografi nga stërvitja e përbashkët ndërmjet Policisë së Kosovës, EULEX-it dhe KFOR-it
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?