Vizita e deputetëve të Kuvendit të Kosovës në takimin e komisionit të MSA-së së bashku me deputetët e parlamentit evropian në Strasburg, ka ngjallë debat mes deputetëve të LDK-së dhe PDK-së.
Ishin deputetët e LDK-së, të cilët përmes një komunikate për media kanë pohuar se papërgjegjshmëria e deputetëve të koalicionit qeverisës, qoj në dështimin e miratimit të konkluzave në mes të Parlamentit Evropian dhe Kuvendi të Kosovës.
Në reagimin e LDK-së thuhet se ndër temat bosht të takimit ishte edhe nisma për shfuqizimin e Ligjit për Dhomat e Specializuara me ç ‘rast deputetët e LDK-së rikonfirmuan qëndrimin se do të vazhdojë të kundërshtojë çdo ide, që ka për qëllim dëmtimin e sovranitetit të vendit dhe të partneritetit me shtetet mike.
Por sipas LDK-së, për shkak të qasjes tërësisht të papërgjegjshme të deputetëve të koalicionit qeverisës, dështoi miratimi i konkluzave të përbashkëta në mes të Parlamentit Evropian dhe Kuvendit të Kosovës.
”Kjo ndodhi për shkak se deputetët e koalicionit qeverisës, kundërshtuan një paragraf të propozuar nga deputetët e parlamentit evropian, i cili u bënte thirrje liderëve politikë në Kosovë që të vazhdojnë të përkrahin funksionimin e gjykatës speciale në përputhje me legjislacionin në fuqi. Përderisa deputetët e LDK-së dhe të gjithë deputetët evropianë votuan PËR, ishin deputetët e koalicionin qeverisës që kundërshtuan me çdo kusht këtë pjesë të konkluzave, që rezultoi me dështimin e tërësishëm në procesin e miratimit të tyre. Ky ishte një veprim i paprecedent, sepse në asnjë nga takimet paraprake, Kuvendi i Kosovës dhe Parlamenti Evropian nuk kanë dështuar të arrijnë pajtim”, thuhet në reagimin e LDK-së.
Por shefi i Grupit parlamentar të PDK-së, Memli Krasniqi duke iu përgjigjur akuzave të LDK-së, tha se përfaqësuesi i Listës serbe dhe LDK kanë qenë të së njëjtës linjë të mendimit, sa i përket iniciativës për shfuqizimin e Gjykatës Speciale dhe kanë votuar bashkë.
“Por ka pasur një moment kur një nga koleget tanë eurodeputet ka propozuar një amandament me gjuhë mjaftë të ashpër në lidhje me iniciativën në Kuvendin e Kosovës, rreth dhomave të specializuara dhe fakti ka qenë që ne nuk kemi pasur mandat si delegacion, që të marrim një vendim lidhur me këtë çështje, sepse do të ishte krejtësisht e pakuptimtë dhe e padrejtë, që ne të mbanim një qëndrim në Strasburg, pa e pasur një qëndrim në Prishtinë dhe pa u mbledhur kryesia e Kuvendit apo seanca, për ta shqyrtuar një çështje të tillë.
Unë e pash pak më herët që LDK ka nxjerr një komunikatë e cila është me plotë të pavërteta. Nuk është e vërtetë që koalicioni qeverisës ka qenë unanim, përkundrazi, në fakt përfaqësuesi i listës serbe dhe LDK kanë qenë të së njëjtës linjë të mendimit dhe kanë votuar bashkë. Ndërsa të gjithë ne të tjerë, pozitë dhe opozitë kemi abstenuar sa i përket këtij propozimi’, tha ai.
Ai shtoi se nuk ka dëmtim të raporteve mes Kuvendit të Kosovës dhe parlamentit evropian.
“Askush nuk ka absolutisht të drejtë, nëse thotë se ka pasur çfarëdo lloj dëmtimi në raport. Përkundrazi ju do të shihni dhe në ditët në vijim, raporti i Kuvendit të Kosovës me Parlamentin Evropian është i shkëlqyer, siç ka qenë. Do të thellohet në vazhdimësi”, tha ai. /KosovaPress/
Promo
Reklamo këtuLufta Prigozhin - Putin
Më shumëZeqiri reagon pas shkarkimit: “Puç” i përgatitur prej kohësh
Babai i Hashim Thaçit flet pas takimit me djalin në Hagë
Thaçit i shkojnë për vizitë në Hagë prindërit e tij
Forca Detare shqiptare dërgon anijen e dytë në operacionet e NATO-s
Qëlloi me armë të bijën dhe më pas vrau veten, si ndodhi ngjarja e rëndë në Lushnjë
Shkarkohet kryetari i sindikatës së Policisë së Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare