Lopez kryen testet mjekësore me Interin, stërvitet për herë të parë me skuadrën

Mbrojtësi argjentinas, Lisandro Lopez do të stërvitet këtë pasdite (e hënë) me skuadrën e tij të re, Interin.

Lisandro Lopez ka marrë pjesë në sesionin e parë të trajnimeve të Interit këtë pasdite (e hënë).

Stërvitja e tij me Interin erdhi edhe pse transferimi i tij nga skuadra e madhe portugeze, Benfica, nuk është konfirmuar ende, por pritet të bëhet së shpejti.

Lexo po ashtu Lopez ka arritur në Milano, të hënën testet mjekësore te Interi

Qendërmbrojtësi thuhet se ka bërë testet e tij mjekësore këtë mëngjes dhe se zyrtarizimi do të bëhet gjatë mbrëmjes ose më së largu nesër (e martë).

Marrëveshja për afrimin e tij thuhet se është huazim me mundësi blerje për shifrën e nëntë milionë eurove.

Sipas mediumit italian Premium Sport, Lopez ka mbërritur në Appiano Gentile për sesionin e tij të parë të trajnimit këtë pasdite, teksa është njoftuar me shokët e rinj.

Lexo po ashtu Në pritje të zyrtarizimit të Lisandro Lopez dhe Ramires te Interi

Te Interi, Lopez do të gjej edhe bashkëkombësin e tij argjentinas, kapitenin e skuadrës, Mauro Icardi.

Ndryshe, Nerazzurët janë në pritje edhe të transferimit të mesfushorëve, Rafinha dhe Ramires. /Telegrafi/