Wenger: Nuk po largohem nga Arsenali

Trajneri i Arsenalit,  Arsene Wenger këmbëngul se ai nuk ka plane për të lërë skuadrën londineze dhe të largohet përpara se kontrata e tij të skadojë.

Është përfolur shumë gjatë dy sezoneve të fundit se trajneri francez mund të largohet nga Emirates, pasi nuk po dëshirohet më as nga tifozët e klubit.

Para disa ditëve u fol se edhe Wenger po bëhet gati të largohet, por dje (e premte) gjatë një interviste e bëri të qartë se ai nuk po shkon askund.

Lexo po ashtu Wenger barazon rekordin e Fergusonit për ndeshje të drejtuara në Ligën Premier (Foto)

“Unë jam gjithmonë i angazhuar. Jam këtu që 21 vjet”, ka thënë fillimisht Wenger për mediat angleze.

“Pra, në çdo vendim të vetëm bëj atë që është e drejtë për klubin. A qëndroj për një vit apo dhjetë vjet është pikërisht e njëjta”.

“A jam unë në krye apo dikush tjetër nuk ka rëndësi, mund të bëni vetëm atë që është më e mira për klubin”.

Lexo po ashtu Wenger po përgatitet të largohet nga Arsenali në fund të sezonit

“Kjo është ajo që përpiqeni të bëni. Kjo nuk ka të bëjë fare me gjendjen time personale”.

“Pra, a do të jeni definitivisht përgjegjës për sezonin e ardhshëm? Kontrata ime e sqaron atë. A kam ikur ndonjëherë larg? Kurrë. Pse duhet të ndryshoj?”, përfundoi trajneri francez. /Telegrafi/