Guardiola konfirmon lëndimin e Jesusit, flet edhe për atë të De Bruynes

Manchester City ka humbur sot (e diel) dy lojtarë, Gabriel Jesusin dhe Kevin de Bruynen shkaku i lëndimeve.

Ndeshja e fundit e vitit 2017 nuk ishte më e mira për liderin aktual të Ligën Premier, Manchester Cityt.

Lexo po ashtu Crystal Palace ndal serinë e fitoreve të Man Cityt, Qytetarët e përfundojnë vitin me barazim (Video)

Jo vetëm për barazimin pa gola ndaj Crystal Palace, por edhe pse humbën dy lojtarë shkaku i lëndimeve.

I pari ishte sulmuesi brazilian, Jesus, i cili lëndoi gjurin dhe u detyrua ta lëshoj fushën në minutën e 22-të, ndërsa i dyti ishte belgu de Bruyne, i cili la ndeshjen në minutat e fundit.

Lexo po ashtu Jesus lëndohet keq, lëshon fushën me lot në sy (Foto)

Pas ndeshjes është vet trajneri Pep Guardiola, i cili ka konfirmuar lëndimet e futbollistëve të tij, ku për brazilianin thotë se ka shpëtuar mirë pa humbur sezonin, ndërsa lëndimi i belgut është më i lehtë.

“Jesus ka probleme me ligamentin e gjuri. Po që se do të ishte ligamenti kryqëzor, ai do të mbetej jashtë fushave për pjesën e mbetur të sezonit dhe rikuperimi i tij do të shkonte nga gjashtë muaj deri në një vit”, ka thënë fillimisht Guardiola.

“Ai [Jesus] pritet të jetë jashtë fushave nga një deri në dy muaj”.

“Kevin De Bruyne ishte me fat me lëndimin e tij, të shohim në ditët në vazhdim sa do të jetë mungesa e tij”, përfundoi trajneri i Man Cityt. /Telegrafi/