Ngjyra që eliminon depresionin e ditëve të ftohta: U rri mirë të gjithëve, i josh shikimet!

Është argumentuar shkencërisht që koha ndikon në veshjen tonë, mirëpo ajo megjithatë mund të ndikojë edhe në gjendjen tonë shpirtërore

Ditëve të ftohta shpesh jemi të pavullnetshëm, pa energji, të zymtë posikur palltoja jonë e zezë. Për të eliminuar ‘depresionin dimëror’, në vend se të vishni pallton klasike ngjyrë të zezë, krenohuni paksa me ngjyrat!

Rekomandimi ynë, por edhe ai i psikologëve, është ngjyra e verdhë, transmeton Telegrafi.

Sipas platformës së njohur online, Pantone, e cila dikton ngjyrat e popullarizuara të sezonit, ngjyra e verdhë paraqet fat, shpresë, ngrohtësi, dashuri dhe përgjithësisht ndjenjë të mirë.

Mirëpo, në atë grup bëjnë pjesë edhe ngjyrat e zjarrta – e portokallta dhe ajo e kuqja.

Spektri i ngjyrave të ftohta edhe e gjelbra mund të na ndihmojë të luftojmë kundër depresionit ditëve të ftohta.

A post shared by 4estilos (@4estilos) on Nov 30, 2017 at 2:44am PST

Imagjinoni se si do të dukej bukur e palltoja e gjatë deri tek gjunjët të modeleve me shumësinë e ngjyrave: zezë, të hirtë dhe të kaltër të errët!

Gjithashtu, nëse mendoni që palltoja apo xhaketa kanë ngjyrë tepër intensive, imagjinoni që mbase nën xhemperin e hirtë me pulla të vishni ndonjë fanellë apo kanotiere me ngjyrë ose me print.

Edhe pse askush, pos jush, këtë gjë nuk e sheh, rrobat e poshtme të larme janë diçka që vetëm juve mund t’ju kënaqin, vetëm e vetëm që e dini se e i keni veshur.

Njësoj është edhe me çorapet me lara. /Telegrafi/