Hysaj: Viti i duhur për ta fituar Napoli titullin

Elseid Hysaj ka paralajmëruar trajnerin e Napolit, Maurizio Sarri, se nuk do të ishte e lehtë që ai të kalonte në anën e majtë të mbrojtjes, por se është viti i duhur për të fituar Scudetton.

Me Faouzi Ghoulam e lënduar në gju dhe me një mungesë të gjatë prej të paktën katër muaj, ka alternativa të çmueshme në skuadër dhe Hysaj është testuar në të majtë nga e djathta.

Megjithatë, mbrojtësi i kombëtares shqiptare i ka treguar trajnerit të tij, Sarri, se nuk do të ishte e lehtë të luante në të majtë të mbrojtjes.

Lexo po ashtu Hysaj arrin 100 paraqitje me Napolin, urohet nga skuadra italiane dhe Serie A (Foto)

“Ka qenë një kohë e gjatë që kur kam luajtur në atë pozitë, kështu që nuk do të ishte e lehtë, por nëse trajneri më kërkon, atëherë unë jam gati të jap gjithçka”, ka thënë fillimisht Hysaj në konferencën e tij për shtyp.

“Ghoulam është një lojtar shumë i rëndësishëm, por kemi të tjerë që mund ta mbajnë ekipin dhe jam i bindur se mund të bëjmë mirë”.

Mbrojtësi i Shqipërisë tutje ka folur edhe për luftën për titull në kampionatin italian, Serie A.

Lexo po ashtu Insigne zemërohet me Hysajn se ia derdhi kafenë, por në fund gjithçka përfundon me të qeshura (Video)

Sipas Hysajt, pas shumë viteve pritje, ky është sezoni i duhur për ta fituar Scudetton skuadra e tij.

“Napoli ka pritur 30 vite për Scudetton dhe ky është sezoni i duhur për ta fituar atë”, përfundoi mbrojtësi shqiptar. /Telegrafi/