I publikuan mesazhet banale me fansen, reagon Luiz Ejlli: Mos, kam nënë e motër

Këngëtarit Luiz Ejlli është përfshirë sot (e premte) në një ngjarje aspak të këndshme.

Në rrjetet sociale dhe mediat online qarkulluan disa fotografi, të cilat dukeshin si prerje të bisedave, mes tij dhe një femre përmes Facebook-ut.

Biseda që transmetohej aty ishte “e nxehtë” dhe me fjalë banale, por që në fakt Ejlli e mohon kategorikisht një gjë të tillë.

Këngëtari që dikur përfaqësoi Shqipërinë në “Eurovision 2006”, ka reaguar me një status në llogarinë e tij zyrtare në rrjetin social, duke demantuar një lajm të tillë, me pretekstin se është keqpërdorur emri i tij dhe me kërkesën që t’iu thuhet “Stop” këtyre lajmeve.

Ky është statusi i plotë i tij:

“Ka dite qe po merren me mua portale te ndryshme per te fituar 15 mij lek te vjetra per nje postim qe bejne.
Me vjen vertet keq qe e bejne kete gje. Sot kan publikuar gjoja sikur un kam folur me nje fjalor banal me dike.
Ju kerkoj ne menyre te hapur ju lutem mos e keqperdorni emrin tim. Un kam nje familje, kam nje nene, kam nje moter. Mos me demtoni ne kete menyre” (sic.). /Telegrafi/