U komentua shumë imazhi në formë zemre i Realit, por tashmë zbulohet fjalimi motivues i Zidane para finales (Video)

Dita para finales është shumë e rëndësishme, pasi duhet fokusim dhe motivim maksimal.

Këtë normalisht që e kupton Zinedine Zidane, pasi në supet e tij mban një karrierë të magjishme.

Tekniku francez në stërvitjen e fundit mblodhi lojtarët rreth tij befasisht në formë zemre, gjë që më pas u komentua shumë ne media, por tani po komentohen fjalët që Zizu i tha në ato momente.

Erdhi fundi, teksa lojtarët e prisnin atë, Zidane për të fundit herë ia hedh një sy rreth e qark stadiumit. Vendit ku ai do të bëjë historinë, atë që askush nuk e ka bërë, të fitosh dy herë radhazi Ligën e Kampionëve, transmeton Telegrafi.

Filloi një shikim dhe buzëqeshje të lehtë, dy hapa para dhe formoi një zemër dhe filloi kështu fjalimin:

“Ajo që keni bërë për të ardhur deri këtu është më e rëndësishmja. Nuk është më e rëndësishme kjo finale. Ne e dimë që kemi skuadër me motivim të jashtëzakonshëm dhe këtë do e tregojmë nesër”.

Të gjithë e dëgjojnë më vëmendje, James i nervozuar nuk lëvizë mimika e fytyrës, CR7 me duart e kryqëzuara, ashtu si Marcelo, Luka Modric e Toni Kroos dhe Zizu vazhdon:

“Më e rëndësishmja ishte të arrijmë këtu dhe mendoni për atë që keni bërë për ta arritur. Në futboll ndodhin gjëra si kjo gjithmonë”, shkruan Telegrafi.

“Mendoni se e keni fituar Ligën e Kampionëve dy herë, kjo është çelësi. Për atë që kemi bërë deri më tani, mos harroni që dy ekipe janë në finale”.

Dhe tani i dëshiron lojtarët e bashkuar, duke i thënë:

“Të gjithë se bashku. Mendoni se mund t’i fitoni të gjitha, kjo është ajo që keni bërë deri më tani, mendoni vetëm pozitivisht”, ka thënë Zidane.

Dhe menjëherë lojtarët të motivuar kanë filluar stërvitjen e fundit. /Telegrafi/