Kryetari i Aleancës Kosova e Re (AKR), Behgjet Pacolli para qindra simpatizantëve në Kamenicë, kërkoi nga qytetarët e Anamoravës që t’i votojnë kandidatët e tyre për deputetë dhe të mos zhgënjehen.
Ai kërkoi që të mos e humbasin shansin pë të pasur një qeverisje të mirë me akademikë dhe njerëz që dinë të qojnë vendin përpara.
“Mos e humbisni shansin kësaj radhe, është shansa që Kosova të ketë një qeverisje dinjitoze, një qeverisje të njerëzve akademikë, një qeverisje të njerëxve të dëshmuar, nje qeverisje të njerëzve që dinë ta qojnë vendin përpara. Dhe një ju garantoj, një qeverisje që do të punojë ekskluzivisht për qytetarët e Kosovës, e asnjë herë për interesat e veta. Ata janë njerëz që do t’iu sherbejnë gjatë gjithë mandatit. Vota juaj është me rëndësi, ditën e zgjedhjeve dilni dhe votoni në mënyrë solemne, konsultohuni me anëtarë tjerë të familjes, ju duhet të votoni koalicionin LDK-AKR dhe numrat e deputtëve që i gjeni në atë listë.
Ju garantoj se ky koalicion dinë ta qojë Kosovën përpara, ky koalicion dinë ta rikthejë Kosovën në binar dhë ky koalicion asnjëherë nuk do ta zhvatë Kosovën, asnjëherë si të tjerët, ky koalicion nuk do të ushtrojë dhunë në Kosovë asnjëherë”, tha Pacolli.
Kreu i AKR-së kërkoi vota edhe për dy kandidatët për deputete, Labinotë Demi dhe Refiqe Tërnava, pasi sipas tij, do t’i japin hijeshinë Kuvendit, sikurse i dha mandatin e kaluar Labinotë Demi me punë dhe profesionalizmin e saj. Votën nga kamenicasit, Pacolli kërkoi edhe për kanidatët tjerë.
Ndërsa, kryetari i AKR-së në Kamenicë, Fatmir Matoshi tha se krahu tjetër, duke aluduar në koalicionin PDK-AAK-Nisma, i kanë bërë dëme të mëdha Kamenicës.
Kandidati i AKR-së për deputetë nga Kamenica Satmifer Kryeziu, kërkoi nga qytetarët e Anamoravës që të bëhen bashkë dhe të mos ia lënë fatin në duar të të tjerëve, por t’i votojnë kandidatët nga ky rajon që të dëgjohet zëri i qytetarëve të kësaj ane në Kuvendin e Kosovës.
“Hajdeni njëherë të bëhemi bashkë dhe të bëhemi të vetëdijshëm që më mos t’ia lëmë fatin tonë në duar të të tjerëve, mos t’i marrim me dorën tonë ta vrajmë edhe të ardhmen tonë dhe të fëmijëve tanë, por të mendojmë njëherë edhe për Komunën e Kamenicës, e cila konsiderohet si zonë qorre. Nuk është Kamenica zorrë qorre, sepse të gjithë e njohin Kamenicën, le t’i marrin hartat dhe t’i shikojnë, le ta shohin kush ka qenë Komuna e Kamenicës, e cila ka shumë pasuri nëntokësore, ka shumë minerale, por këto pushtete nuk kanë pasur përkushtim për Kounën e Kamenicës, por për vendet prej nga vijnë. Por kësaj here kemi rastin të tregojmë se edhe Kamenica mendon për vete”, u shpreh Kryeziu.
Një fjalë përshëndetëse pati edhe nënkryetari i LDK-së në Kamenicë Nexhat Rexha, i cili kërkoi mbështetjen për koalicionin dhe kandidatët e kësaj ane për deputetë të Kosovës.
“Koalicioni LDK-AKR është shpresë për Kosovën, shpresë për Komunën e Kamenicës, shpresë që Komuna e Kamenicës të artikulojë me zërin e tyre në Kuvendin e Kosovës, aty ku fjala e popullit dëgjohet me së miri. Konsideroj se ky koaliicon i natyrshëm ka një bazë të shëndosh numrin një dhe numrin dy. Numri një kandidati për kryeministër Avdullah Hoti dhe numri dy presidenti Behgjet Pacolli, i cili me vizionin e tij ka ditur t’i ofrojë botën dhe Kosovës, zërein e tij prej intelektuali, një gjallëri që i duhet këtij vendi”, theksoi Rexha.
Në fund u prezantuan edhe disa prej kandidatëve të AKR-së për deputetë në Kuvendin e Kosovës, për zgjedhjet e 11 qershorit, raporton KosovaPress.
Promo
Reklamo këtuLufta Prigozhin - Putin
Më shumëNga Rubrika
Voziti me fëmijë në prehër – policia e dënon me 400 euro gjobë, 5 pikë negative dhe i merret patent shoferi për 6 muaj
Bytyqi: Një vit e gjysmë punuam në planin e rritjes, të ndërmarrim të gjitha proceset reformuese
Në Gjakovë zbulohet monumenti i Skënderbeut
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City