Man City ka gati 70 milionë euro për Alex Sandron

Raportet e mediave italiane raportojnë se Manchester City janë gati të paguajnë 70 milionë euro për mbrojtësin e majtë të Juventusit, Alex Sandro dhe klubi bardhezi mund ta pranojë këtë.

Mbrojtësi brazilian ishte transferimi i vetëm në verën e vitit 2015 nga Porto për 26 milionë euro në vitin 2015 dhe kjo lëvizje mund t’iu sjell fitime të trefishta për vetëm dy vite.

Sipas Tuttosport, trajneri i Manchester Cityt, Pep Guardiola është fans i madh i Sandros dhe klubi i tij po përgatitet të ofrojë 60 milionë euro kesh plus bonuse në vlerë të 10 milionë eurove, përcjell Telegrafi.

Braziliani gjithashtu është i kërkuar edhe nga Antonio Conte i Chelseat, pasi këtë sezon ka shënuar dy gola dhe ka dhënë pesë asistime në 38 paraqitjet e tij në të gjitha garat.

Tuttosport gjithashtu thekson se Juventusi dëshiron para kesh nga shitja e Sandros, pasi ka piketuar alternativat e tij dhe ata janë Emerson Palmeiri  i Romës dhe mbrojtësi me eksperiencë i Atletico Madridit, Felipe Luis.

Juventusi gjithashtu po lidhet tash e një kohë me yllin e Milanit, Mattia De Sciglio, të cilit i skadon kontrata në qershor të vitit 2018, dhe i cili mund të luaj në të majtë dhe të djathtë të mbrojtjes dhe si mesfushor i krahut. /Telegrafi/