Zidane ulë presionin në konferencën për shtyp: El Clasico s’e vendos titullin

Zinedine Zidane është shfaqur mjaft i qetë para gazetarëve në konferencën për shtyp para El Clasicos të dielën.

Real Madridi vjen pas një serie të paraqitjeve të mrekullueshme në një duel që mund të jetë përcaktues për titullin.

Sfida ndaj Barcelonës zhvillohet të dielën mbrëma dhe Zidane është i vetdishëm për rëndësinë e pikëve, por thotë se nuk është vendimtar ky duel për titull, shkruan Telegrafi.

“Ne jemi mësuar me këtë. Është një ndeshje tjetër. Na merr shumë energji, por ne jemi duke bërë mirë”.

Lexo po ashtu Lajmet e fundit rreth El Clasicos

“A do të fitohet titulli me fitore? Jo. Është një tjetër ndeshje kjo dhe shtatë të mbetura. Ne jemi të fokusuar për ndeshjen e të dielës”, u shpreh Zidane.

Ai shtoi se Cristiano Ronaldo është i përgatitur që të luaj si fizikisht ashtu edhe mentalisht.

“Fizikisht dhe mentalisht ai është gati të luaj një ndeshje tjetër të madhe, ashtu sikurse të gjithë lojtarët. Ne gjithmonë flasim për Cristianon në ndeshjet e mëdha sepse ai gjithmonë ka treguar atë që mund të bëj, ashtu siç bëri të martën, ashtu siç ka gjasa të bëj sërish të dielën. Energjia që ai transmeton në grup është e pabesueshme”, përfundoi Zidane.

Real Madridi ka tri pikë më shumë se Barcelona në tabelë, dhe me një humbje do të mund të humbiste vendin e parë për shkak të dueleve direkte. Sidoqoftë, Los Blancos kanë një ndeshje më pak se sa katalanasit. /Telegrafi/