Nora kishte përshpejtuar kurorëzimin me Robertin shkaku i letrave amerikane, por ende nuk është shtetase e SHBA-së!

I ftuar pasditen e sotme në “Rudina” në Tv klan, Roberti ka rrëfyer më shumë për jetën e re në muzikë si këngëtar, për marrëdhënien me të bijën, por edhe atë me Norën, e cila ka qenë një prej temave më të diskutuara në showbiz.

Por Nora dhe Roberti ishin kurorëzuar shumë kohë më parë dhe për këtë askush nuk kishte ditur gjë. Një histori që nisi 8 vjet më parë, pas kthimit nga Amerika të Robertit, ishte martuar tashmë.

Njohja me këngëtaren ishte e rastësishme, por pak kohë më vonë erdhi fejesa, pastaj kurorëzimi, tregon Roberti “Ne kemi qenë të kurorëzuar, sepse unë jam nënshtetas amerikan. U ktheva pas tre viteve nga Amerika, pastaj u njoha me Norën. Para dasmës, ne ishim kurorëzuar, por kurrkush s’e ka ditur. Meqenëse unë jam nënshtetas amerikan, e shpejtuam celebrimin, me qëllim që Nora të përfitonte dokumentet që edhe ajo të merrte nënshtetësinë…”, tregon Roberti.

Megjithatë, me gjithë nxitimin, Nora akoma nuk i ka përfituar dokumentet amerikane “Nora nuk i ka përfituar akoma, kanë ndërruar ligjet. Duhet të jetosh atje të paktën një vit, në mënyrë që ta përfitosh….”, përfundon ai.