Në 18-vjetorin e fillimit të sulmeve ajrore të NATO-s kundër caqeve ushtarake e policore të Serbisë dhe Malit të Zi, qytetarët e Kosovës do të duhej të kishin shumë arsye për të festuar. Por, sipas analistëve, zhgënjimi i tyre çdo vit e më shumë po shtohet.
Analisti Imer Mushkolaj tha për Telegrafin se kosovarët janë të zhgënjyer nga qeveritë e korruptuara që e kanë udhëhequr vendin që nga ajo kohë.
Sipas tij, vendi nuk është zhvilluar ashtu, siç shpresonim 18 vite më parë.
Po të pyeteshin kosovarët në atë kohë, sipas tij, ata do të jepnin përgjigje optimiste se si do e parashikojnë Kosovën pas 18 vitesh.
“Qeveritë e korruptuara që e kanë udhëhequr vendin që nga paslufta kanë bërë që njerëzit të ndihen të zhgënjyer – vendi nuk është zhvilluar ashtu siç ata kanë shpresuar. Po të pyeteshin kosovarët më 1999 se si e parashikojnë të jetë Kosova më 2017, me siguri do të jepnin përgjigje shumë më optimiste. Por, fatkeqësisht, sot ata kanë mendime të tjera, sepse gjatë gjithë kësaj kohe jeta e tyre nuk është bërë e mirë, siç e kanë menduar, pavarësisht se e gëzojnë lirinë e pavarësinë”, tha ai për Telegrafin.
Sipas Mushkolajt, jeta e mirë iu është bërë vetëm pushtetarëve.
“Jeta e mirë iu është bërë vetëm pushtetarëve, atyre që e kanë shfrytëzuar pozitat për t’u pasuruar, e jo për t’ua bërë më të mirë jetën të tjerëve. Sot Kosova mbetet vendi i vetëm i izoluar në Evropë, më i varfri dhe me papunësinë më të madhe. Askush me mendje të shëndoshë nuk ka arsye për festë. Por, falënderimet për NATO-n nuk mungojnë”, u shpreh ai.
Njëjtë si Mushkolaj nuk mendon njohësi i çështjeve të sigurisë, Avni Islami.
Islami në një prononcim për Telegrafin ka thënë se vendi ka përparime në zhvillimin, avancimin dhe profesionalizmin e policisë, FSK-së dhe AKI-së.
Ai tha se Kosovën e gjen me ngritjen e kapaciteteve të sigurisë të cilat mund të krahasohen ne aspektin profesional me vendet fqinje por edhe më gjerë.
“Si sot 18 vite, UÇK-ës i është bashkuar aleanca më e fuqishme ushtarake në botë NATO. Pas dëbimit të forcave militare e paramilitare serbe nga Kosova , filluan që ndërtohen edhe institucionet e sigurisë së Kosovës me ndihmën e bashkësisë ndërkombëtare. Sot vendi ynë ka bërë përparime në zhvillimin, avancimin dhe profesionalizmin e policisë, FSK-së dhe AKI-së, tri shtylla të rëndësishme që po kontribuojnë në ruajtjen paqes dhe sigurisë në vend. Pra pas 18 viteve Kosovën e gjen me ngritjen e kapaciteteve të sigurisë të cilat mund të krahasohen ne aspektin profesional me vendet fqinje por edhe më gjerë”, tha Islami. /Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Kurti merr kundërpërgjigje për kritikat ndaj Prokurorisë Speciale
Anëtarësimi i Kosovës në KiE, cilat janë vendet skeptike që duan fillimisht asociacionin?
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
Konkursi i dyshimtë i Policisë, IPK: Do t’i verifikojmë informatat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City