Ramos për inati të Mourinhos kishte veshur fanellën e Ozilit kundër Deportivo La Corunas (Foto)

Gazeta gjermane sportive “Sport Bild” ka filluar të botojë ekstrakte prej autobiografisë së Mesut Ozilit tp quajtur “The Magic of the Game”.

Një nga tregimet kryesore është zemërimi i Jose Mourinhos me mesfushorin Ozilin gjatë kohës sa ishin në Real Madrid.

Mesfushori gjerman u zëvendësua gjatë pjesës së parë në ndeshje e La Ligas me Deportivo La Coruna në vitin 2012, duke e quajtur “frikacak” reprezentuesin gjerman, transmeton Telegrafi.

“Ti mendon se dy pasime të bukura janë të mjaftueshme. Ti mendon se je më i mirë me 50 për qind të pasimeve të sakta. Ti je një frikacak. Çfarë dëshiron? Të fshihesh prapa bukurisë tënde? Shamponit të flokëve, apo tushave?  Të qëndrosh vetëm? Apo dëshiron që t’i bindësh shokët e tu të ekipit, fansat dhe mua, çfarë dëshiron të bësh”, i kishte thënë Mourinho, Ozilit”, mësohet t’i ketë thënë ndër të tjerash Mourinho futbollistit gjerman.

E për të treguar solidaritet me bashkëlojtarin, Sergio Ramos veshi fanellën e Ozilit nën të tijën gjatë pjesës së dytë.

Në këtë formë spanjolli ka sfiduar autoritetin e Mourinhos, ku nuk është sekret se Ramos dhe portugezi nuk kishin raporte të mira dhe se një ndër shkaktarët e largimit të trajnerit ishte edhe mbrojtësi. /Telegrafi/