Republika e Kosovës nuk ka ushtri të saj dhe pikërisht mungesa e një strukture të tillë të sigurisë ditëve të fundit ka shtuar shqetësimet tek qytetarët dhe tek analistët. Sipas tyre, situata në Kosovë është e brishtë dhe pranë krize.
Njohësi i çështjeve të sigurisë, Avni Islami, në një prononcim për Telegrafin ka thënë se Kosova duhet ta formojë ushtrinë e saj dhe se ajo duhet të pajiset me armatimin e duhur.
“Është humbje kohe të merremi me atë se si do të quhet ushtria jonë. Situata nuk është për t’u nënvlerësuar, sepse gjendja në kufirin Kosovë-Serbi është e brishtë. Si kurrë më parë, që nga përfundimi i luftës e deri më sot, do të duhej urgjentisht të armatoset Forca e Sigurisë së Kosovës (FSK) dhe të fillojë së funksionuari me të gjitha kapacitet operacionale. Në asnjë rrethanë nuk do të duhej të kishte pengesa për avancimin dhe armatosjen e saj. Nuk është e rëndësishme forma, por përmbajtja. Quajeni si të doni, por armatosja është jetike për sigurinë e Kosovës”, ka vlerësuar Islami.
Sipas tij, inatet personale e klanore duhet të lihen anash, pasi është “koha e fundit për unitet”.
“Të mos presim derisa serbët të binden që me dy të tretat e votave të ndërrohet ligji. Koha po punon për armiqtë tanë, prandaj duhet të ngutemi”, ka thënë Islami.
Edhe deputeti i Lëvizjes për Bashkim, Raif Qela, ka thënë se një shtet duhet ta ketë ushtrinë si shtyllën kryesore të mbrojtjes së sovranitetit e të territorit.
“Aktualisht, përgjegjës kryesor për ruajtjen e territorit të Kosovës është KFOR-i. Por, një shtet është tamam sovran vetëm kur me forcat e veta e ruan sovranitetin e integritetin territorial. Sidoqoftë, në këto rrethana Kosova është me fat që e ka KFOR-in si garant të mbrojtjes. Mirëpo, kjo gjendje nuk është e përjetshme. Prandaj, na duhet ushtria”, ka thënë Qela për Telegrafin.
Profesionistë apolitikë nga Kosova dhe nga diaspora kanë bërë thirrje për themelimin e Ushtrisë së Kosovës. Në thirrjen drejtuar presidentit të vendit, kryeministrit, ministrit të FSK-së dhe deputetëve të Kuvendit të Kosovës, ata kanë shprehur shqetësimet lidhur me zhvillimet rreth situatës së sigurisë në Kosovë, duke marrë parasysh ekspozimin e territorit të Republikës së Kosovës ndaj kërcënimeve të drejtpërdrejta nga Serbia.
Ekspertët kanë thënë për Telegrafin se buxheti aktual nuk është në përputhje me nevojat dhe kërkesat e FSK-së. Buxheti i cili është ndarë për këtë institucion, gjatë këtij viti, është 51 milionë e 35 mijë e 617 euro. FSK-ja i ka 2500 pjesëtarë aktivë dhe 800 rezervë. /Telegrafi/
Promo
Reklamo këtuLufta Prigozhin - Putin
Më shumëPerandoria e shantazhit dhe shkatërrimi i grupit 'AlbKings' - si publikoheshin foto e video nudo të vajzave shqiptare
Ardita Sinani shpall fitoren në Preshevë, Fronti për Ndryshim fiton Bujanocin
Përplasja në distancë e Gërvalles me Presidenten, MPJD thyen heshtjen
Zbardhet fjalimi i Pjetër Shalës në Hagë: Unë nuk e di për çka duhet të paguaj, m’u shkatërrua jeta!
Rrëfimi i nënës së 7-vjeçares së rrëmbyer para 32 vitesh: Shpresoj ta kenë birësuar, jo t’i kenë shitur organet
“I kemi hyrë në borxh”, ish-kryeministri britanik Tony Blair me statujë në Ferizaj
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United