Moska dhe Ankaraja do të veprojnë së bashku kundër milicisë terroriste të IS-it. Në pika vendimtare, Putini dhe Erdogani kanë megjithatë dallime – bashkëpunimi i tyre në luftën e Sirisë do të mbetet i kufizuar.
Shtabi i Përgjithshëm rus njoftoi të mërkurën (18.01) për misionin e parë të përbashkët të aviacionit luftarak rus dhe atij turk, kundër milicisë terroriste “Shteti Islamik” (IS). Në operacionin në provincën siriane Aleppo morën pjesë nëntë avionë luftarakë rusë dhe tetë avionë luftarakë turq, u bë e ditur.
Ky është misioni i parë i përbashkët ushtarak i Rusisë dhe i Turqisë. “Kjo është padyshim arritje”, thotë Alexander Golz. “Mjafton të kujtosh se është kaluar nga konfrontimi i drejtpërdrejtë në Siri në bashkëpunim ushtarak”, tha eksperti ushtarak rus në bisedë me DW. Ky është edhe pas shumë kohësh angazhimi i parë i përbashkët ushtarak me një anëtare të NATO-s, pikërisht në kohën kur NATO-ja e ka zgjeruar praninë e saj ushtarake në Evropën Lindore për të frikësuar Rusinë.
Në Rusi, bashkëveprimi i avionëve luftarakë rusë dhe turq lëvdohet si sukses i madh. “Nuk është fjala për një angazhim që do të ndodhë një herë të vetme, por për një bashkëpunim strategjik ushtarak”, i tha Franz Klinceviç, zëvendëskryetar i Komisionit të Mbrojtjes në Këshillin e Federatës, agjencisë së lajmeve Interfax. “Ky është një shembull për bashkëpunimin jashtë aleancave, një gjë e tillë nuk ka ndodhur ndonjëherë në historinë e re.”
Turqia bën pikërisht atë që ka refuzuar të bëjë deri tani koalicioni anti-IS, i drejtuar nga SHBA: që të luftojë Shtetin Islamik duke vepruar në bashkëpunim me Rusinë.
Eksperti ushtarak Golz beson se Rusia, përmes aksionit të përbashkët me Turqinë do të përmirësojë para së gjithash imazhin e saj si luftëtare kundër IS. Deri tani në Perëndim ka pasur dyshime për këtë. Veç kësaj, Moska krijon me këtë një bazë për negociatat në Astana. Në kryeqytetin kazakas në 23 janar përfaqësues të Rusisë, të Turqisë, të Iranit, të qeverisë siriane dhe të opozitës do të diskutojnë për një armëpushim. Por Golz megjithatë beson se aleanca midis Rusisë dhe Turqisë do të jetë e kufizuar. “Objektivat e deklaruara në Siri janë të ndryshme, para së gjithash në lidhje me Presidentin Bashar al Assad”, thotë eksperti rus. Moska e mbështet, Ankaraja kërkon që ai të japë dorëheqjen.
Vëmendjen tek pozicionet e ndryshme ndaj udhëheqjes siriane e tërheq në bisedë me DW edhe eksperti ushtarak turk Can Kasapoglu. Pas bashkëpunimit të Ankarasë me Moskën qëndrojnë dy gjëra, thotë ai. Së pari mendimet e ndryshme brenda koalicionit të drejtuar nga SHBA kundër Shtetit Islamik, nga ana tjetër një mbështetje e pamjaftueshme e Turqisë në luftën e saj kundër terrorit në Sirinë fqinjë. “Në nivelin strategjik, bashkëpunimi turko-rus ofron një faqe të re në luftën civile”, thotë Kasapoglu. “Një perspektivë e tillë mund të jetë shumë ndihmuese, pak para bisedimeve në Astana.” /DW/
Lufta Prigozhin - Putin
Më shumëHistoria e trishtueshme e njeriut që nuk është pastruar për 60 vjet - mjekja tregon se pse ai e shmangu ujin e sapunin
Adoleshenti amerikan i ofroi dollarin e fundit burrit që mendonte se ishte "i pastrehë" - ajo që ndodhi më pas ishte e pabesueshme
Ukraina shkatërroi raketën 6.5 milionë dollarëshe të rusëve
Tre miliardë euro nga asetet e ngrira ruse, BE-ja do t'ia dhurojë Ukrainës
Arrestim i papritur dhe skandal korrupsioni: A po përçahet rrethi i ngushtë i Putinit?
Trupat izraelite kryejnë një operacion në Rafah - publikohen pamjet nga fushëbeteja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?