Kombëtarja e Kroacisë është tubuar të hënën në Zagreb për t’u bërë gati për dy ndeshjet e radhës eliminatore që do t’i zhvillojë si mysafire e Kosovës, më 6 tetor dhe Finlandës më 9 tetor.
Me këtë rast përzgjedhësi i kroatëve, Ante Çaçiç, ka dalë para medieve kroate, por pa disponim maksimal. Kjo pasi trajnerit kroat i kanë shkaktuar kokëçarje tre futbollistë, të cilët iu dëmtuan në prag të ndeshjes me Kosovën. Madje, fjala është për tre yje të mëdhenj, tepër të rëndësishëm për ekipin e tij.
Pas Luka Modriçit të Real Madridit dhe Dejan Lovrenit të Liverpoolit, të hënën Çaçiç konfirmoi edhe mungesën e yllit të Barcelonës, Ivan Rakitiçit. “Luka Modriç është operuar dhe ne shpresojmë të kthehet sa më shpejt që është e mundur. Po ashtu është lënduar edhe Dejan Lovren dhe në vend të tij e kemi marrë Matthew Mitroviçin. I lënduar është edhe Ivan Rakitiç dhe në vend të tij ftuam kapitenin e Dinamos, Domagoj Antoliçin”, ka deklaruar Çaçiç. Në mungesë të Modriçit shiritin e kapitenit të ekipit kroat në Shkodër pritet ta bartë Vedran Çorluka. “Unë e kam idenë, por këtë do ta bëjë të ditur para lojës me Kosovën”, ka theksuar Çaçiç.
Ky i fundit ka shprehur shqetësim për faktin se në Shqipëri dhe në Finlandë do të udhëtojë pa Luka Modriçin, Ivan Rakitiçin dhe Dejan Lovrenin. Edhe pse ka fond të pasur me futbollistë tjerë, me të cilët mbetet favorit për të fituar ndaj Kosovës e Finlandës, mungesën e tri yjeve e konsideron të madhe trajneri kroat. “Kosova dhe Finlanda janë ekipe për t’i respektuar. Ne nuk duhet t’i nënçmojmë”, ka theksuar Çaçiç.
Tifozët kroatë dhe vetë selektori shpresojnë që sulmuesit e tyre t’i sigurojnë fitore Kroacisë në duelet me Kosovën dhe Finlandën. “Sulmuesit tanë janë në dispozicion. Ata janë mirë dhe në formë”, ka potencuar Çaçiç. “Ne do t’i zhvillojmë tri seanca stërvitore para ndeshjes me Kosovën. Unë kam besim te kontingjenti ynë i lojtarëve, kështu që me optimizëm po i presim dy ndeshjet e radhës, të cilave duhet t’u qasemi me seriozitet. Sa i përket formacionit, atë do ta bëjë të ditur vetëm para lojës”, është shprehur ai.
Ante Çaçiç insiston se skuadra e tij nuk do ta ketë aspak të lehtë në sfidën që po e pret në Shkodër, ku do të takohet me Kosovën. Trajneri kroat thotë se ekipi kosovar do të ketë përkrahje të madhe të tifozëve. “Stadiumi do të jetë plot me shikues. Ata do të bëjnë atmosferë të zjarrtë. Jam i sigurt se tifozët do të jenë lojtari i 12-të i Kosovës. Por, futbollistët tanë janë mësuar të luajnë në aso atmosferash. Duhet ta respektojmë Kosovën, t’i qasemi me seriozitet dhe ta kalojmë me sukses sfidën”, është shprehur Çaçiç.
Promo
Reklamo këtuLufta Prigozhin - Putin
Më shumëNga Rubrika
Granit Xhaka merr çmimin si ‘Lojtar i ndeshjes’ nga UEFA – statistikat e tij në përballje me Hungarinë
Notat e lojtarëve, Hungari 1-3 Zvicër: Xhaka paraqitje prej lideri, Aebischer më i miri në fushë
Spanjë – Kroaci, formacionet zyrtare: De La Fuente dhe Dalic e nisin me më të mirët
Dortmundi vishet kuqezi, tifozët shqiptarë me këngë e valle presin ndeshjen e Kombëtares së Shqipërisë
Ndeshja hapëse e Euro 2024 solli një risi në përdorimin e VAR – tifozët e duan atë edhe në Ligën Premier
LIVE: Shqipëri-Itali, gjithçka rreth ndeshjes së parë të kuqezinjve në Euro 2024
“E tashmja dhe e ardhmja e shkëlqyer”, Messi i impresionuar nga talenti argjentinas
Topi i goditur nga Wirtz përfundoi në portë me një shpejtësi marramendëse
Ylli i Liverpoolit thyen rekordin 64-vjeçar në Kampionate Evropiane
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Dikur ishin refuzuar, tani janë lojtarë kyç: Gjashtë yje, një shqiptar mes tyre që mund të shkëlqejnë në Euro 2024
Hehir: Deklarata e Hillit, shembulli i fundit i qëndrimeve të tija pro-serbe
Forcat ukrainase sulmojnë aeroportin ushtarak në Rusi
Ndeshja hapëse e Euro 2024 solli një risi në përdorimin e VAR – tifozët e duan atë edhe në Ligën Premier
Topi i goditur nga Wirtz përfundoi në portë me një shpejtësi marramendëse
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit