Shpendi nuk fshihet nga gratë: Banoret e banesave të uzurpuara, mësyjnë pronën private të kryetarit të Prishtinës (Audio)

Rreth 40 gra të familjeve që janë strehuar që nga paslufta në një bllok banesor në lagjen Dardania të Prishtinës, kanë mësyrë mbrëmë shtëpinë e kryetarit të Komunës së Prishtinës, Shpend Ahmetit.

Në një audio-incizim të cilin e ka siguruar Ekonomia Online, dëgjohet biseda të tensionuara e grave që fajësojnë Shpend Ahmetin me bindjen se ai ka diçka kundër tyre dhe se ai ka urdhëruar lirimin e atyre banesave.

Lexo po ashtu Mustafa kërkon të merren masa ndaj VV-së, kërcënuan familjen

Për këtë rast, Ahmeti ka shkruar në profilin e tij në Twitter: “Mbrëmë rreth 21:00 prapë te shtëpia erdhën familjet e Dardanisë.  Prapë i kishte gënjyer dikush”.

Mbrëmë rreth 21:00 prapë te shtëpia erdhen familjet e Dardanisë. Prapë i kishte gënjyer dikush. #propaganda #prishtina #agjitacioni

— Shpend Ahmeti (@ShpendA) September 28, 2016

Siç vërehet nga incizimi, grave që hynë në pronën private, u del Ahmeti për t’ju dhënë sqarime. Por, mënyra e komunikimit degradon në nervozizëm, meqë këta banorë fajësojnë Ahmetin i cili sqaron se nuk mund të ndikojë në vendimet gjyqësore dhe se premton se do të bëhet zgjidhje për strehim vetëm për familjet që janë raste sociale.

Lexo po ashtu Pamje nga përleshja mes aktivistëve të VV-së dhe policisë në Mitrovicë (Video/Foto)

Policia e Kosovës ka zbatuar një urdhër të Gjykatës Themelore në Prishtinë, duke larguar 12 familje nga banesat në lagjen “Dardania”, që i takojnë Ndërmarrjes Publike Banesore në Prishtinë. Në ditët në vazhdim pritet që të dëbohen edhe familjet e tjera.

Janë gjithsej 131 banesa në këtë bllok të ndërtuar në vitet 1990-të e dedikuar refugjatëve serbë nga Bosnja dhe Hercegovina.