Simeone mbron Griezmann: E meritoi çmimin më shumë se Ronaldo

Trajneri i Atletico Madridit, Diego Simeone ka folur pas ceremonisë së dhënies së çmimit lojtari më i mirë në Evropë.

Sipas trajnerit argjentinas, sulmuesi i i tij te Atletico Madrid, Antoine Griezmann, gjatë sezonit të kaluar ka qenë një nga futbollistët me paraqitjen më të mirë dhe ishte pikërisht francezi ai që e meritonte trofeun dhe jo portugezi Cristiano Ronaldo, por nuk i heq meritat tre herë fituesit të ‘Topit të Artë’.

“Njerëzit që fitojnë tituj meritojnë të shpërblehen dhe i tillë është rasti i Cristiano Ronaldos. Ai arriti të triumfonte në Ligën e Kampionëve dhe në Kampionatin Evropian”, deklaroi Simeone, transmeton Telegrafi.

Lexo po ashtu Mësoni sa vota më shumë pati Ronaldo se Griezmann dhe Bale

“E kundërta ndodhi më sulmuesin tonë, Antoine Griezmann, i cili për fatin e tij të keq humbi dy finale të rëndësishme. Sidoqoftë unë jam i mendimit së Griezmann e meritonte plotësisht titullin e lojtarit më të mirë në Evropë.

“Ka treguar se gjatë sezonit të kaluar ka qenë një lojtarë shumë deçiziv si për ne ashtu dhe për kombëtaren e tij. Pavarësisht kësaj jam i sigurt se paraqitja e tij do të vazhdojë të jetë në rritje. Është një futbollist i jashtëzakonshëm”, përfundoi trajneri argjentinas i Atletico Madridit. /Telegrafi/