Orët e para të mëngjesit të së mërkurës, të datës 26 gusht 2016 rezultuan fatale për disa komuna të Italisë Qendrore. Komunat e Amatriçes, Arkuanta Del Trontos, Peskara Del Trontos dhe të Akumolit u bënë hi dhe duken tanimë si vende fantazmë. Tërmeti i fortë prej 6 ballësh do merrte jetën e qindra personave. Ato më së shumti janë zënë poshtë nga rrënojat. Disa viktima janë identifikuar dhe është bërë publike edhe historia e jetës së tyre.
Shqiptari nga Fieri
Erjon Toro është një nga viktimat e shumta të tërmetit shkatërrimtar në Itali. Ai është i vetmi nga viktimat me origjinë shqiptare. Toro ishte nga Fieri. Ai ishte djalë i vetëm dhe kishte katër motra. Erjoni u zu nga rrënojat bashkë me dy vajzat e vogla dhe bashkëshorten. Burri humbi jetën, kurse anëtarët e tjerë të familjes së tij kanë shpëtuar.
Një spanjolle si vizitore
Ana Huete, 25 vjeçe me origjinë nga Granada e Spanjës, ishte e fejuar me një italian dhe kishte shkuar në zonën ku ra tërmeti, për të kaluar pushimet me djalin që dashuronte.
Djali 18-muajsh
Marisol Piermarini është djali 18-muajsh që ka shpëtuar gjallë nga tragjedia. Fëmija i vogël doli gjallë nga rrënojat, por se ndërroi jetë në spitalin e Askoli Picenos. Prindërit e saj, Masimiliano dhe Martina mbetën të plagosur. Martina e kishte ndjerë rrezikun nga tërmetet dhe për këtë arsye ishte zhvendosur nga Akuila, por sa duket ka qenë e pafat.
Polici vdes me fëmijët
Ezio Tuli, 42 vjeç, zv. shef i policisë në Aprilia vdiq në Amatriçe me dy djemtë e tij të moshës 12 dhe 14 vjeç. Bashkëshortja shpëtoi gjallë.
Nxënësja nga Roma për pushime te gjyshërit
Ariana Maskiareli, 15 vjeçe kishte shkuar në Peskara Del Tronto të kalonte kohë me gjyshërit, përpara se të niste shkolla në Romë. Ajo ka humbur jetën, pasi shtëpia e gjyshërve u shemb krejtësisht.
Parukieri vdes në shtëpinë e prindërve
Alesandro Neroni, 42 vjeç punonte në parukerinë “Via Kastelfidardo” në Civitanova Marçe. Ai vdiq në shtëpinë e prindërve në Amatriçe, pasi kishte shkuar për t’i vizituar.
Gruaja vdes me djalin e vogël
Nadia Magnanti, 44 vjeçe ka ndërruar jetë së bashku me djalin e saj 11 vjeç, Lorenzon në Amatriçe. Burri i saj shpëtoi mrekullisht.
Zyrtarja e Mbrojtjes Kombëtare Civile
Tiziana Lo Presti, 60 vjeçe, zyrtare e Mbrojtjes Kombëtare Civile, në momentin që ka rënë tërmeti ka qenë në Saleta, fshat pranë Amatriçes. Ajo po qëndronte pranë nënës së saj, e shtruar në spital. Tiziana ka mbetur e vdekur në vend, ndërsa nëna e saj shpëtoi.
Kushërinjtë vdesin te gjyshja
Elisa Cafini, 14 vjeçe me origjinë nga Pomezia ishte me pushime në Peskara Del Tronto te gjyshja, së bashku me kushëririn e saj, 8 vjeç. Të gjithë vdiqën, pasi u zunë nën rrënoja.
Agjenti i mobiljeve
Xhakomo Del Oto, agjent mobiljesh, ishte me pushime në shtëpinë e tij në Amatriçe me bashkëshorten Aura, vajzën Angela 12 vjeçe dhe me vëllanë, Paolon.
Çifti i gjendur i vdekur
Fabio Graziani, 42 vjeç dhe Aurelia Daogaru u gjetën të dy të vdekur në Amatriçe. Ata ishin si vizitorë në Amatriçe.
Karabinieri në Akumoli
Xhampaolo Peace, 43 vjeç ishte karabinier dhe jetonte në Akuila. Mirëpo, në kohën e tërmetit ishte në Akumoli. Ai kishte shkuar atje për të vizituar prindërit. Vdiq në vend nga tronditjet e tokës.
Çifti nga Roma
Paola Rasceli, 43 vjeçe me origjinë nga Roma, vdiq në shtëpinë e saj në Amatriçe me burrin e saj, Fabrizio Trabalza.
Promo
Reklamo këtuLufta Prigozhin - Putin
Më shumëNdalohen dy rusë në Jarinjë
DW: Sinjale alarmi nga Ballkani - po përsëritet historia?
“E pashë një person të maskuar me armë në dorë” – policia jep detaje nga tentim vrasja ndaj Marko Jablanvoviqit
Nëna dhe fëmijët u hodhën në lumin Buna, 9-vjeçarja përcillet sot për në banesën e fundit
Detaje të reja nga ngjarja tragjike në Shkodër
KFOR-i, EULEX-i dhe policia me ushtrim të përbashkët, Ultuas: Tregojmë gatishmërinë për të mbrojtur stabilitetin rajonal
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'