Ajeti lojtar i Mihajlovic: Ja çfarë kishin thënë lojtarët shqiptarë për trajnerin serb
Mbrojtësi Arlind Ajeti është edhe transferimi i parë i bërë nga Torino me kërkesë të trajnerit serb Sinisa Mihajlovic.
Sinisha Mihajlovic, në kulmin e tij si lojtar, ishte i njohur për qëndrimet politike dhe antishqiptare.
Në vitin 1999, gjatë kohës së bombardimeve të forcave të NATO-s mbi zonat ushtarake serbe, ai pati udhëhequr një protestë të futbollistëve serbë që aktivizoheshin në Itali, ku luante edhe vetë me Lazion.
Tentoi t’i çonte drejt një bojkoti të ndeshjeve, por ata u kërcënuan nga liga italiane dhe u zmbrapsën. Ishte rasti më flagrant ku sportistët individualë ishin përzier në çështje politike. Mediat serbe e kanë përshkruar si një atdhetar të madh serb. Edhe vetë ishte deklaruar i tillë.
Për “çështje nacionale” kishte përjashtuar nga Përfaqësuesja e Serbisë një lojtar boshnjak (Adem Ljajic), pasi ai nuk kishte pranuar të këndonte himnin e Serbisë.
Por, gjërat ndryshojnë si trajner i klubeve italiane. Ai ka së paku tri përvoja ku ka pasur lojtarë shqiptarë në ekipe dhe të fundit janë shprehur mirënjohës ndaj tij.
I pari ishte Valon Behrami, që më 2010 e kishte trajner te Fiorentina. Më pas e pati Shkodran Mustafi te Sampdoria dhe tashmë do ta ketë Arlind Ajeti te Torino. Në fakt, Ajeti është përforcimi i parë i Mihajlovicit që kur mori drejtimin e Torinos.
Behrami në shumë raste e kishte çuar në qiell Mihajlovicin për trajtimin që po i bënte, por edhe serbi ishte shprehur plot mirënjohje ndaj cilësive të tij, shkruan “Panorama Sport“.
“Po të kisha 11 Valona në fushë, do të fitoja çdo ndeshje. Ai bën punë të mirë në mesfushë dhe kam kënaqësi që punoj me të”, pati thënë Mihajlovic kur drejtonte skuadrën e Fiorentinës.
Behrami si model
Lëvdata pati edhe nga ana e Behramit, i cili në muajin maj të vitit 2012 mbajti një konferencë për mediat në Prishtinë. Ai tregoi për marrëdhëniet që ka pasur me Mihajlovicin.
“Kur më ka bërë ofertë Fiorentina i kam thënë babait tim se trajneri është serb. Babai m’u përgjigj se ‘ka kaluar ajo kohë’. Dhe kur kam shkuar te Fiorentina, trajneri ma ka zgjatur dorën dhe më ka pyetur se a di serbisht.
Unë i thashë ‘jo’, ndërsa ai shtoi ‘di të fitosh?’. I thashë ‘po’. ‘Epo në rregull, të dy jemi njësoj në këtë aspekt’. Ai më ka pritur mirë dhe më ka dhënë përkrahje vazhdimisht”.
“Do të doja të punoja sërish me të. Unë ende mbaj kontakte me Mihajlovicin”, pati thënë Behrami.
Më vonë Mihajlovic u bë trajner i Sampdorias. Në skuadër gjeti një tjetër shqiptar, Shkodran Mustafin. Me Mustafin punoi vetëm një vit. Por viti i kaluar për Mustafin ishte i artë.
Pas hapësirës së dhënë nga Mihajlovic, Mustafi u ftua në përfaqësuesen e Gjermanisë. Madje u bë edhe kampion bote. Falë paraqitjeve nën urdhrat e Sampdorias, pas evropianit Mustafi u largua në drejtim të Valencias, ku edhe është lider i mbrojtjes. “Personalisht, Mihajlovic më ka ndihmuar shumë kur isha te Sampdoria dhe ai ka treguar besim të madh tek unë”.
“Unë i jam mirënjohës, sepse ai më dha shansin e karrierës dhe falë tij jam këtu sot”, pati thënë Mustafi. Ai, në intervistat e dhëna, kur është pyetur për periudhën në Sampdoria dhe punën me trajnerin serb, ka thënë se Mihajlovic është i fokusuar te lojtarët e rinj.
Pak javë më parë, Mihajlovic u emërua trajner i Torinos. Ai do të punojë me një tjetër futbollist të ri me moshë, pasi të dielën firmosi kontratë për tre vjet mbrojtësi kosovar i Kombëtares së Shqipërisë, 22-vjeçari Arlind Ajeti.
Mbrojtësi është edhe transferimi i parë i bërë nga Torino me kërkesë të trajnerit Mihajlovic.
I kënaqur që Ajeti do të punojë me Mihajlovicin është edhe drejtori sportiv i Torinos, Giannulca Petraki: “Ne jemi të lumtur që trajneri Mihajlovic do ta ketë në dispozicion Ajetin”, ka thënë të dielën drejtori Petraki.
Promo
Reklamo këtuLufta Prigozhin - Putin
Më shumëNga Rubrika
Në vitin 2017 punonte në ndërtimtari, ndërsa tani ftohet nga Kroacia për në Euro 2024: Kush është Marco Pasalic
Sa do të fitojë Arne Slot nga ‘mega kontrata’ me Liverpoolin në krahasim me Jurgen Klopp
Lojtari i Manchester City që pak kush e njeh, u dëbua nga një restorant gjatë festës së titullit
Arne Slot u tregon drejtuesve të Liverpoolit emrat e katër lojtarëve rreth të cilëve dëshiron të ndërtojë ekipin e tij
Davide Ancelotti duket se po largohet nga Real Madridi - ka ofertën në tavolinë
Ka dyshime se Guardiola dhe De Bruyne kanë gjetur klubin e ri - do të shkojnë atje së bashku në vitin 2025
Dalin pamjet nga reagimi i Tyson Furyt në zhveshtore pas humbjes nga Oleksandr Usyk
Sulm i tmerrshëm në Francë: Të shtëna armësh në drejtim të tre lojtarëve të Marseilles
Në gardën e nderit, të gjithë e duartrokitën Kloppin - përveç një lojtari
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit