Këshilli i BE-së e ka miratuar të martën vendimin që mundëson zgjatjen e misionit të EULEX-it, i ka thënë Radios Evropa e Lirë, Maja Kocijançiq, zëdhënësja e Përfaqësuesës së Lartë për Politikë të Jashtme dhe siguri të BE-së, Federica Mogherini.
Ajo ka shtuar se Mogherini do i përgjigjet letrës tashmë të dërguar nga Presidenti i Kosovës, Hashim Thaçi në Bruksel rreth kësaj teme.
“Përfaqësuesja e Lartë do t’i përgjigjet letrës së presidentit Thaçi, ashtu siç ekziston tashmë praktika për këtë gjë; ndërkohë ne jemi duke e vazhduar punën me autoritetet e Kosovës me qëllim që të përfundojmë të gjitha përgatitjet për ripërtrirjen e mandatit të EULEX-it. Sa i përket procedurave të brendshme të BE-së, Këshilli e ka miratuar sot vendimin që mundëson zgjatjen e misionit të EULEX-it”, ka thënë për Radion Evropa e Lirë, Kocijançiq.
Zyrtarët e BE-së në Prishtinë, ndërkaq kanë vazhduar gjatë tërë ditës së sotme bisedat me autoritetet në Prishtinë, përfshirë edhe me presidentin Thaçi për zgjatjen e mandatit të EULEX-it.
Radio Evropa e Lirë mëson se përfaqësuesit e Institucioneve të Kosovës kanë kërkuar nga BE-ja që EULEX-i të mos hap më raste të reja për çështjet që ndërlidhen me korrupsion dhe krim të organizuar dhe që të gjitha këto raste t’i kalojnë Prokurorisë Speciale të Republikës së Kosovës.
Kjo është çështja për të cilën ende nuk është arritur një marrëveshje me zyrtarë të BE-së, në këtë rast me shefin e Zyrës së BE-së në Kosovë, Samuel Zbogar.
Kuvendi i Kosovës që duhet ta ratifikojë letërkëmbimin ndërmjet presidentit Thaçi dhe Përfaqësueses së Lartë për Siguri dhe Politikë të Jashtme të BE-së, Mogherini, tash për tash nuk ka arritur të mblidhet megjithëse mandati i misionit përfundon mesnatën e së martës, 14 qershor.
Shefi i grupit parlamentar të PDK-së, Adem Grabovci i ka thënë Radios Evropa e Lirë përmes telefonit se sonte nuk do të ketë seancë, ndërsa ka përmendur se po vazhdojnë negociatat për hartimin e projektligjit për këtë çështje.
“Sot nuk ka pasur dhe nuk do të ketë seancë, janë duke u zhvilluar biseda, duke u bërë analiza që të gjejmë variantin më të mirë të mundshëm. Normalisht në jemi të vetdijshëm që duhet të kemi bashkëpunim me Bashkimin Evropian. Ne në fakt jemi të interesuar të thellojmë bashkëpunimin me BE-në”, ka thënë Grabovci.
Megjithatë, Radios Evropa e Lirë nga deputetë të tjerë të Kuvendit i është thënë se Parlamenti do të pres derisa të mos arrihet një pajtueshmëri në mes të institucioneve të Kosovës dhe BE-së për zgjatjen e mandatit të misionit evropian për sundim të ligjit, EULEX.
Ka gjasa që Kuvendi të mblidhet gjatë ditëve në vijim.
Misioni i BE në Kosovë, EULEX është ftuar nga autoritetet e Kosovës pak ditë para shpalljes së pavarësisë së Kosovës, në vitin 2008. Mandati i tij ndërkaq u zgjat me një letër-këmbim të para dy viteve ndërmjet atëbotë presidentes së Kosovës, Atifete Jahjaga dhe Shefes për Politikë të Jashtme dhe Siguri të asaj kohe në BE, Catherine Ashton.
Misioni për sundimin e ligjit, deri tani e ka pasur të drejtë ekskluzive trajtimin e rasteve të krimeve të luftës, korrupsionit, dhe krimeve të tjera të rënda. /rel/
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Hapi i fundit i Kosovës për anëtarësim në KiE, Serwer : Indinjata e Serbisë është e turpshme
"Kushtëzimi" i anëtarësimit të Kosovës në KiE, Musliu-Shoshi: Ndërkombëtarët nuk po kërkojnë asgjë çka nuk është dakorduar Kurti në marrëveshjen e Ohrit
“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit