AAK: Pozita e gruas në Kosovë, e pakënaqshme

Aleanca e Gruas e AAK-së, është e brengosur për pozitën e gruas në shoqërinë Kosovare. Përfshirja e pamjaftueshme e saj në vendimmarrje, kuotat e ulta të përfaqësimit, numri jo i mjaftueshëm i grave të punësuara si dhe trajtimi i gruas në përgjithësi, shoqërinë kosovare po shndërrojnë në një shoqëri maskiliste.

Kjo u tha në një tubim me gratë e AAK-së, ku në këtë parti aderuan rreth 30 gra, kryesisht nga Podujeva dhe Istogu.

Të sapo ardhurave në AAK, mirëseardhje iu dëshiroi lideri i AAK-së, Ramush Haradinaj, i cili pos urimit për 8 Marsin për të gjitha gratë e Kosovës, tha se partia që ai e drejton, është përcaktuar për politikën e mesit, e cila nënkupton trajtim të barabartë për të dyja gjinitë, por edhe për të gjitha kategoritë sociale e kulturore.

“Gruaja sot është gjysma e shoqërisë, dhe ajo duhet ta marrë pozitën që i takon. Është e drejtë e saj, që ajo të jetë edhe në vendimmarrje, edhe në përcaktimin e politikave në vend, edhe në drejtimin e shoqërisë”, përfundoi Haradinaj. /Telegrafi/