Kryeministri shqiptar Edi Rama dhe ish-kryeministri Sali Berisha kanë replikuar ashpër mes tyre sot në Parlament për çështje të energjisë.
Berisha ka akuzuar Ramën se i ka zhytur shqiptarët në varfëri duke rritur çmimin e energjisë në një kohë që premtoi heqje të TVSH-së. Ai iu drejtua Ramës me pyetjen:”Ç’të keqe tjetër ti ke planifikuar t’u bësh shqiptarëve?”.
“Ç’të keqe tjetër ti ke planifikuar t’u bësh shqiptarëve, pasi erdhe në pushtet me mashtrime të paimagjinueshme duke përdorur praktikën e etërve të tu, iu premtove shqiptarëve heqjen e TVSH-së për energjinë, iu premtove legalizime falas; iu premtove atyre rrogën e 13-të dhe iu ule rrogat; iu premtove heqjen e TVSH-së për energjinë dhe rrite çmimin me 24 % dhe del këtu dhe thua nuk është rritur por është ulur. Ç’të keqe tjetër ke planifikuar t’u bësh shqiptarëve ti, që mblodhe kriminelë dhe qelbësira të të gjitha llojeve dhe i vure në piedestal të pushtetit dhe të qeverisë”, i tha Berisha Ramës.
Ndërkohë që kryeministri Rama i është përgjigjur Berishës, se ish-qeveria e djathtë e drejtuar prej tij, trashëgoi 540 milionë dollarë borxhe në sektorin energjetik, dhe inauguroi rrugët ende pa u përfunduar.
Rama përmendi edhe projektin e linjës së interkonjeksionit me Kosovën, për të cilën tha se qeveria Berisha nuk arriti ta përmbyllte, për arsye të errëta.
“KESH-in, ndërmarrjen publike kyç për sektorin, e lanë me 540 milionë dollarë borxhe të krijuara drejtpërdrejt nga vendimmarrjet tërësisht qorre të qeverisë. OST-në, një tjetër ndërmarrje kyçe të sektorit, e lanë me 20 milionë dollarë borxhe, duke e bërë të pamundur praktikisht përmbushjen e funksionit të saj si operator i tregut dhe i sistemit të transmetimit nga moshlyerja e detyrimeve ndaj shpërndarësit. Linjën e interkonjeksionit me Kosovën, dihet mirë historia, e lanë tërësisht të bllokuar, për arsye tërësisht të errëta; 150 milionë dollarë apo euro të humbura çdo vit nga vjedhja e energjisë elektrike. Kjo është gjendja e trashëguar”, tha Rama.
Nga 1 janari i këtij viti në Shqipëri ka hyrë në fuqi ligji i ri për energjinë, i cili i llogarit kilovatët e harxhuar jo me dy fasha (shtresëzime) si bëhej më parë, por me një çmim unik për të gjithë. Qeveria thotë se shtresat e varfra do kompensohen, por opozita përgjigjet se çmimi real i energjisë është rritur me 24 %.
Lidhur me linjën e interkonjeksionit Shqipëri-Kosovë, Ministri i Energjisë, Damian Gjiknuri, ndërsa ka folur më herët në media për këtë linjë, ka siguruar se deri në pranverën e vitit 2016, ajo do të jetë në funksion të plotë.
Në fakt ndërtimi i linjës interkonektive 400 kV të tensionit të lartë Kosovë-Shqipëri pritet të rrisë kapacitetet e transmetimit mes dy vendeve dhe rajonit, do të rrisë sigurinë dhe besueshmërinë e Kosovës dhe sistemit energjetik shqiptar, optimizimin e operacionit në dy sistemet për shfrytëzimin e burimeve të energjisë.
Për më tepër, ndërtimi i kësaj linje jep mundësi për bashkimin e dy tregjeve të energjisë elektrike dhe krijon kushte për efikasitet më të lartë të funksionimit të energjisë në përputhshmëri me kërkesat e BE-së. /KP/
Promo
Reklamo këtuLufta Prigozhin - Putin
Më shumëNga Rubrika
Shijuat verën, por humbët formën? Ja si të riktheheni në formë pa pasur nevojë të dilni nga shtëpia
Lëngjet Relax, produkti shqiptar më i shitur në Itali
Situata afariste në gjigandin “Trepça”, 80 sistemime në ecurinë e prodhimit në njësinë Trepça – Stan Tërg, po përgatitet edhe trajnimi i 19 minandezësve
Bisha Lamborghini Revuelto tani në Kosovë, ekskluzivisht nga Auto SHERRETI
Për flokë dhe lëkurë rrezatuese: Këto 3 lloje të kolagjenit janë gjithçka që ju duhet
Udhëto sigurt drejt top destinacioneve evropiane me Prishtina Ticket
Shijuat verën, por humbët formën? Ja si të riktheheni në formë pa pasur nevojë të dilni nga shtëpia
Inaugurohet investimi më i ri për lumturinë e fëmijëve - ATC Kids
Si të blini veturën perfekte me 100% financim? Zbuloni sekretet e platformës më serioze në vend
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"A u shit Yamal nga Barcelona te Betisi shkaku i krizës?", pamje që kanë lënë tifozët katalunas të shokuar
Me listën e të nominuarëve tashmë publike: Kush është favoriti për Topin e Artë
Liverpooli tashmë ka gjetur zëvendësuesin e Salah, luan te Real Madridi
“I harxhonte lekët me gra të tjera, veprova në gjaknxehtësi”, dëshmia në polici e 30-vjeçarit që vrau babanë në një fshat të Durrësit
Kush janë aleatët kryesorë të Donald Trump në Evropë?
HISTORIKE: Granit Xhaka nominohet për Topin e Artë