Pamjet e para të iOS 8?

iOS 8, versioni i ardhshëm i sistemit operativ mobil të kompanisë Apple për pajisjet e famshme si iPhone dhe iPad, pritet të arrijë tek përdoruesit në qershor të këtij viti.

Versioni i ri i sistemit operativ të Apple besohet se do të sjell disa aplikacione të reja, ndërsa i njëjti do të përqëndrohet shumë në fitnes.

Disa pamje të reja të iOS 8 zbulojnë disa aplikacione të reja, të cilat me siguri se do ta bëjnë dallimin me platformat tjera mobile.
Në rrjetin social kinez Weibo, shihen disa pamje të reja të sistemit operativ të Apple dhe disa nga aplikacionet që tashmë janë në OS X për kompjuterët Mac, duke përfshirë Preview dhe TextEdit.

Aplikacionet e reja do tu ndihmojnë përdoruesve t’i shikojnë dokumentet e tyre në iCloud, thuhet sipas 9to5Mac. Apple pritet të përditësojë edhe hartat e saj në versionin e ri të sistemit operativ.

Në mesin e aplikacioneve të reja do të jetë edhe Healthbook, i cili do ta monitorojë gjendjen tonë në palestër (kaloritë e djegura) dhe do të mbajë gjurmët e shtypjes së gjakut, rrahjet e zemrës dhe nivelet e glukozës. / Telegrafi /