Këtë vit, ndoshta më shumë se në çdo vit tjetër, ne kemi parë një ndryshim dramatik në mënyrën se si kompanitë dizajnojnë, prodhojnë dhe shesin telefonat e mençur dhe tabletët e tyre.
Modelet e biznesit janë zhvendosur gjithnjë e më shumë tek një model i cili në rend të parë e ka shërbimin, ndërsa prodhuesit e këtyre pajisjeve mobile përpiqen t’i joshin klientët e tyre me platformat mobile në të cilat ata i bazojnë telefonat dhe tabletët e tyre duke u premtuar vlerë të shtuar dhe duke ofruar çkado që mund t’i nevojitet një pronari të mundshëm të pajisjes.
Në 2012, Apple është fuqizuar edhe më shumë duke e konfirmuar pozitën e saj udhëheqëse si kompania më e madhe e teknologjisë në botë, ndërsa rivali i saj – Google është zgjeruar duke e blerë Motorola Mobility për 12.5 miliardë dollarë, dhe platforma e saj Android ka arritur tek qindra miliona njerëz anembanë botës, duke integruar gjithnjë e më shumë aplikacione të cilat e pasurojnë ofertën e saj mobile.
Në anën tjetër, Microsoft ka debutuar me platformat e saj Windows 8 dhe Windows Phone 8, me të cilat mundohet ta trasojë rrugën e saj tek tregu global i telefonave mobil.
Për prodhuesit tjerë, si HTC, Huaëei, RIM dhe Sony ka qenë një vit i ndërlikuar, edhe pse shumica prej këtyre prodhuesve kanë dal në treg me modele të reja të telefonave dhe tabletëve, për të na dhënë neve si konsumatorë sa më shumë zgjidhje.
Ndërsa këtë vit po e lëmë pas për disa ditë, kthehemi prapa për të identifikuar fituesit më të mëdhenj në tregun e telefonave të mençur dhe tabletëve.
iPhone 5 – Menjëherë pas lansimit, iPhone 5 u bë telefoni me shitjen më të shpejtë në botë. Brenda 24 orëve të para, Apple shiti më shumë se 2 milionë njësi për ta përbyllur fundjavën e parë me 5 milionë njësi të shitura.
Samsung Galaxy SIII – Ishte një vit i suksesshëm për kompaninë, pasi që prodhuesi i famshëm jug-korean e kaloi rivalin e kahmotshëm Nokia për t’ia zënë vendin e parë në nivel global, dhe sot, Samsung është prodhuesi numër 1 në botë për telefona.
Një pjesë e madhe e këtij suksesi ka qenë pikërisht modeli i saj i fundit Galaxy SIII, shitjet e të cilit kanë arritur në 10 milionë shumë shpejtë, ndërsa pas dy muajve kompania ka dyfishuar këtë numër të njësive të shitura. Deri më sot, Samsung ka arritur të shesë 30 milionë Galaxy SIII, dhe gjatë këtyre festave, ky numër mund të rritet edhe për disa miliona të tjerë.
Nexus 4 – Telefoni i Google i cili është pjesë e linjës së pajisjeve Nexus, dhe ofrohet për një çmim të ulët duke filluar prej 299 dollarë për modelin me 8GB ka thyer rekordet e shitjes në Google PlayStore, sepse konsumatorët e shumtë mezi prisnin që të kenë në duar një pajisje mobile të mbështetur nga Google dhe LG.
Nokia Lumia 920 – Përfundimisht, Nokia ka arritur të lansojë modelin e saj të ri të telefonit Lumia i cili bazohet në Windows Phone 8, version i cili e përmirëson harduerin dhe softuerin e pajisjes. Sipas vlerësimeve të analistëve, Nokia Lumia 920 tejkalon modelin e HTC 8X, për shkak të inovacionit dhe karakteristikave unike të cilat i sjell ky telefon.
HTC One X+ – Duke vuajtur nga fakti se ofronte telefona të ndryshëm, për segmente dhe çmime të ndryshme, HTC ka krijuar një vizion të ri me lansimin e linjës së modeleve të avancuara si HTC One, të cilin më pas e ka pasuar me HTC One X+. / Telegrafi /
Promo
Reklamo këtuLufta Prigozhin - Putin
Më shumëNga Rubrika
Përpara ngjarjes së madhe të Apple, bëhet virale reklama e parë indiane e gjigantit teknologjik
Mjetet e reja të YouTube mbrojnë krijuesit nga audiot dhe videot e rreme të gjeneruara nga AI
Meta njofton ndryshimet në mënyrën se si WhatsApp dhe Messenger punojnë me shërbimet e mesazheve të palëve të treta
Përpara ngjarjes së madhe të Apple, bëhet virale reklama e parë indiane e gjigantit teknologjik
Harroni orizin, telefoni i lagur rregullohet nga “shpërthimi zanor”?
Samsung Galaxy S25 Ultra do të jetë telefoni më i hollë premium
Superkompjuteri më i fuqishëm në botë zgjidhi një dilemë dhjetëvjeçare
Motorola G85 arrin "në heshtje" në Evropë
Samsung Galaxy Z Fold6 dhe Z Flip6 çojnë Galaxy AI në nivele të reja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Leo Messi befasoi me zgjedhjen e tij kur përmendi lojtarin më të mirë që ka parë ndonjëherë
Merr fund historia e biznesit me shezlongët? Ndreu jep lajmin e mirë
Pas transferimeve të raketave balistike nga Irani në Rusi, SHBA-ja vjen me një paralajmërim
Kosova rrezikon të mbetet jashtë Procesit të Berlinit, shkak masa e sigurisë me Serbinë
Notat e lojtarëve, Ukrainë 1-2 Shqipëri: Ismajli dhe Manaj me paraqitje fantastike
Shqipëria me përmbysje spektakolare ndaj Ukrainës merr tri pikët e para në Ligën e Kombeve