Bayerni i Munichut ka arritur t’i hakmerret Chelseat duke e mposhtur në finalen e Superkupës së Evropës pas një ndeshje dramatike e cila u vendos në penalti.
Në Eden Park në Pragë të Çekisë ishin mbledhur rreth 35 mijë tifozë, shumica prej të cilëve të Bayernit, për të përcjellë supertakimin e vlefshëm 10 milionë euro.
Shaqiri nuk startoi ashtu sikurse Bastian Schweinsteiger, kurse Mourinho befasoi me inkuadrimin e David Luiz, të rikthyer nga lëndimi.
Ndeshja filloi shumë mirë për Blutë. Pas një aksioni të nisur nga Oscar, ishte Andre Schurrle ai që me mençuri asistoi te Fernando Torres, i cili me një gjysmëvolej maestral arriti të ralizonte për 1-0 (8’).
Bayerni sulmoi vazhdimisht gjatë pjesës së parë, kur Ribery u gjend disa herë në pozitë shënimi, ashtu sikurse edhe Muller, por bavarezët dështuan të shënonin, teksa në pjesën e pare rezultati mbeti i pandryshuar.
Në pjesën e dytë u zhvillua lojë fantastike. Me të filluar pjesa e dytë (47’) ishte Franck Ribery që pas një aksioni individual me një goditje të fuqishme nga distanca i tregoi Petr Cechit se pse është lojtari më i mirë në botë për rezultatin 1-1.
Bayerni vazhdoi me dominimin, por pas një gabimi të Alabas ishte Hazard që lëshoi një mundësi ideale, ashtu sikurse edhe Oscar që u gjend rrezikshëm një herë pranë zonës.
Edhe Bayerni me anë të Riberys dhe Robbenit u shfaq rrezikshëm në zonë me mbrojtjen e Chelseat që u tregua mjaft e fortë.
Chelsea në minutën e 85-të mbeti me një lojtar më pak kur Ramires u ndëshkua me kartonin e dytë të verdhë.
Në minutën e fundit ishte David Luiz ai që për pak sa nuk realizoi për fitoren e Chelseat kur goditjen e tij me kokë e ndali Manuel Neuer në formë të lartë në këtë takim.
Pas fituesi nuk u përcaktua në kohën e rregullt, u desh të zhvillohen vazhdimet.
Në vazhdime u zhvillua lojë e nxehtë. Përkundër disavantazhit numerik, Chelsea realizoi kur Eden Hazard kaloi Philipp Lahm dhe Boatengun për të realizuar me një goditje të fuqishme për 2-1 dhe epërsinë e Bluve.
Bayerni vetëm sulmoi në pjesën e parë të vazhdimeve, ku ndihmoi edhe Xherdan Shaqiri, i cili hyri në vend të Robbenit në minutën e 96-të.
Sidoqoftë, drama e vërtetë u zhvillua në pjesën e dytë të vazhdimeve. Martinez me kokë rrezikoi nga afërsia në fillim, por Petr Cech ishte shpëtimtari.
Edhe disa herë Cech e shpëtoi portën, por vlen të përmendet kur Franck Ribery lansoi nga gjuajtja e lirë një goditje precize, të cilën nga vija e largoi portieri çek i cili po luante para publikut të tij.
Shaqiri ishte po ashtu pranë golit, por fati nuk ishte me të, kur nga afërsia e dërgoi topin jashtë portës.
Dhe, kur të gjithë menduan se nuk ka më kohë dhe kur Mourinho çmendej duke kërkuar përkrahjen e tifozëve, pas një rrëmuje në zonë në sekondën e fundit të vazhdimeve ishte Javi Martinez (120’+1) ai që realizoi për 2-2 dhe çmendjen e madhe të tifozëve bavarezë në stadium, ashtu sikurse shokimin deri në infarkt të Jose Mourinhos.
Fituesi u desh të përcaktohej në penalti, ku drama ishte e jashtëzakonshme. Të gjithë lojtarët realizuan, duke përfshirë edhe djaloshin tonë, Xherdan Shaqirin.
Dhe, penaltinë vendimtare për Chelsean e humbi Romelu Lukaku, 20 vjeçari i cili nuk arriti të përballojë psikologjikisht penaltinë, të cilit goditjen ia ndali Manuel Neuer.
Me këtë fitore Bayern Munich i arkëton 10 milionë euro dhe i hakmerret Chelseat për disfatën në penalti në Allianz Arena dy sezone më parë.
Guardiola bëhet trajneri i parë në histori i cili i fiton tri Superkupa të Evropës. Ky është edhe triumfi i radhës i Guardiolës mbi Mourinhon, rivaliteti i të cilëve edhe një herë e diktoi këtë ndeshje dramatike. /Telegrafi/
.@XS_11official JAAAAAAAAAAAA! #Shaqattack
— FC Bayern München (@FCBayern) August 30, 2013
Lufta Prigozhin - Putin
Më shumëVedat Muriqi afër rikthimit në Turqi, pritet ta zëvendësojë yllin e madh
Real Madridi merr vendim për të ardhmen e Modric dhe Kroos
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Sulmuesi adoleshent pritet të zëvendësojë Vitor Roque sezonin e ardhshëm - kush është ai?
Zyrtare: Bundesliga me pesë skuadra në Champions duke iu falënderuar Dortmundit
Pse Jamal Musiala vendosi të mos përfaqësojë Anglinë në nivel të lartë, duke përzgjedhur më pas Gjermaninë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit