Përse meshkujt kanë hundën më të madhe se femrat?

Edhe pse në shikim të parë është krejtësisht e qartë, një studim i ri i Universitetit nga Ajova, ka treguar jo vetëm që meshkujt e kanë hundën më të madhe mesatarisht 10 për qind sesa femrat, por shkencëtarët mbase kanë gjetur shkakun për çka është kjo kështu.

Përgjigjja pyetjes përse meshkujt kanë hundën më të madhe se femrat është te madhësia e trupit dhe te energjia e ndryshme të cilën e shfrytëzojnë të dyja gjinitë.

Burrat kanë masë më të madhe të muskujve dhe për këtë arsye më shumë oksigjen është i nevojshëm për rritjen dhe mirëmbajtjen e muskujve të tyre.

Dallimi lind në moshën 11 vjeçare, transmeton Telegrafi.

Hulumtimet e mëparshme kanë treguar se gjatë pubertetit, 95 për qind e peshës trupore që meshkujt marrin shkon për muskujt, ndërsa për femrat kjo përqindje është 85 për qind.

Ky studimi, poashtu shpjegon pse holandezët kanë hundët kaq të mëdha në krahasim me të tjerët – për shkak se ata kanë më shumë masë të muskujve.

Hulumtimi është publikuar në revistën evropiane të të ushqyerit dhe Revista Amerikane e Antropologjisë Fizike. /Telegrafi/